បណ្ដាប្រទេសនៅអាស៊ីអាគ្នេយ៍

បណ្ដាប្រទេសនៅអាស៊ីអាគ្នេយ៍កំពុងត្រៀមខ្លួនរស់តាមបែបគន្លងថ្មី ដើម្បីរក្សាតុល្យភាពសេដ្ឋកិច្ច


ដើម្បីរៀនរស់ជាមួយកូវីដ-១៩ តើបណ្តាប្រទេសនៅអាស៊ីអាគ្នេយ៍គួរជ្រើសរើសវិធីសាស្ត្របែបណាខ្លះដើម្បីរក្សាតុល្យភាពសេដ្ឋកិច្ចរបស់ខ្លួន0x017d7 ទោះបីកំពុងជាប់ដៃមមាញឺកតស៊ូ ប្រយុទ្ធប្រឆាំងនឹងកូវីដ១៩ដែលកំពុងរីករាលដាលក្នុងស្ថានភាពដ៏លំបាកលំបិនយ៉ាងណាក្តី ប្រទេសក្នុងតំបន់អាស៊ីអាគ្នេយ៍ជាច្រើនបានដឹងខ្លួនឯងថា ពួកគេមិនអាចបន្តនៅបិទខ្ទប់ប្រទេស ឬរិតត្បិតតឹងរឹងនៅសកម្មភាពសង្គម និងសេដ្ឋកិច្ចបានយូរជាងនេះទៀតទេ បើពុំដូច្នេះទេ ផលលំបាកលើវិស័យសេដ្ឋកិច្ចនឹងកាន់តែមានភាពធ្ងន់ធ្ងរជាក់ជាមិនខានឡើយ។
ការរស់នៅតាមបែបគន្លងថ្មីរបស់ប្រជាជននៅតាមបណ្ដាប្រទេសនៅអាស៊ីអាគ្នេយ៍
ដោយ

នេះ​បើ​តាម​ការ​ចុះ​ផ្សាយ​ដោយសារ​ព័ត៌មាន Bloomberg​។

ជាក់ស្តែង​យើង​ក្រឡេក​ទៅ​មើល​វិស័យ​ឧស្សាហកម្ម​នៅ​ប្រទេស​វៀតណាម និង ម៉ា​ឡេ​ស៊ី ដោយ​គេ​សង្កេត​ឃើញ​ថា កម្មករ​និ​យោ​ជិ​ក​ក្នុង​វិស័យ​មួយ​នេះ​នៅ​ក្នុង​ប្រទេស​ទាំង​ពីរ បាន​ផ្តើម​វិល​ត្រឡប់​ទៅ​រក​ការងារ​បណ្តើរ​ៗ​វិញ​ហើយ បន្ទាប់​ពី​ការ​បិទ​ខ្ទប់ ឬ Lockdown នៅ​ក្នុង​ប្រទេស​ទាំង​ពីរ ត្រូវ​បាន​បន្ធូរបន្ថយ​ដោយ​ផ្នែក ដែល​ជា​ចេតនា​អនុញ្ញាត​ឲ្យ វិស័យ​ឧស្សាហ​ម្ម​មាន​ដំណើរការ​ឡើង​វិញ​។

ដោយឡែក ហាង​លក់ទំនិញ និង​សកម្មភាព​សង្គម ពិសេស​នៅ​តាម​ដងផ្លូវ​ក្នុង​រដ្ឋធានី​ម៉ានីល​នៃ​ប្រទេស​ហ្វី​លី​ពី​ន និង​នៅ​ប្រទេស​សឹ​ង្ហ​បុរី ឯណោះ​វិញ ក៏​បាន​វិល​មក​រក​សភាព​ស្ទើរតែ​ធម្មតា​ឡើង​វិញ​ហើយ ក្រោយ​មានការ​សម្របសម្រួល​និ​តិ​វិធី​ពី​អាជ្ញាធរ ក្នុង​ការ​បើក​ដំណើរការ​ឡើង​វិញ​។

កិច្ច​ខិតខំ​ប្រឹងប្រែង​ទាំង​អស់នេះ ធ្វើ​ឡើង​ដើម្បី​រក្សា​តុល្យភាព​រវាង​ការ​ឆ្លង​កូ​វី​ដ​១៩ កុំ​ឲ្យ​កើន​ខ្ពស់​ផង និង ធ្វើ​ឲ្យ​សកម្មភាព​របស់​ប្រជាជន​វិល​ត្រលប់​មក​រក​សភាព​ដើម​វិញ ជៀសវាង​ការ​ប៉ះទង្គិច​ធ្ងន់ធ្ងរ ដល់​ចរន្ត​សេដ្ឋកិច្ច ពោល​គឺ​ត្រូវ​រៀន​រស់​តាម​គន្លង​ថ្មី នៃ​យុគសម័យ​កូ​វី​ដ នេះ​។ 

ជាក់ស្តែង យើង​សង្កេត​ឃើញ​ប្រទេស​ជា​ច្រើន​នៅ​អាស៊ាន បាន​ជ្រើស​យក​ការ​ប្រើប្រាស់​ប័ណ្ណ​ចាក់​វ៉ាក់សាំង ជា​លិខិតអនុញ្ញាត មុន​ពេល​ពលរដ្ឋ​អាច​ចូល​ទៅ​កន្លែង​សាធារណៈ​ផ្សេង​ៗ​បាន​។ វិធាន​ការណ៍​នេះ ចូលរួម​លើកកម្ពស់​ការ​ចាក់​វ៉ាក់សាំង​ផង កាត់​បន្ថយ​ហានិភ័យ​នៃ​ការ​ចម្លង​កូ​វី​ដ​១៩ និង ធ្វើ​ឲ្យ​សកម្មភាព​សេដ្ឋកិច្ច​មានដំណើរ​ការ​ឡើង​វិញ​ផង​។

ជាមួយនឹង​វិធាន​ការណ៍​ខាងលើ​នេះ  យើង​ឃើញ​ថា បន្ទាប់​ពី​ផ្អាក​ដំណើរការ​ក្នុង​ថ្នាក់រៀន​អស់​រយៈពេល​ជិត​២​ឆ្នាំ ប្រទេស​កម្ពុជា បាន​សម្រេច​ឲ្យ​គ្រឹះស្ថាន​សិក្សាអប់រំ​រដ្ឋ និង​ឯកជន ចាប់ពី​កម្រិត​អនុ​វិទ្យាល័យ និង វិទ្យាល័យ​ប្រមាណ​ជាង ២២០​កន្លែង ចាប់ផ្ដើម​បើក​ដំណើរការ​ឡើង​វិញ​ហើយ ប៉ុន្ដែ សម្រាប់​តែ​សាលា​ដែល​មានការ​អនុវត្ត​ទៅ​តាម​ការ​វិធានការ​សុវត្ថិភាព ដែល​បាន​កំណត់​ដោយ​អាជ្ញាធរ​តែ​ប៉ុណ្ណោះ​។​ទន្ទឹម​នឹង​នេះ​ដែរ ប្រមុខ​ដឹកនាំ​រាជរដ្ឋាភិបាល​កម្ពុជា សម្តេច​តេ​ជោ ហ៊ុន សែន គ្រោង​និង​ចាក់​វ៉ាក់សាំង​ជូន​កុមារ​ដែល​មាន​អាយុ​៦​ឆ្នាំ រហូត​ដល់​១២​ឆ្នាំ ដោយ​យុទ្ធនា​ការណ៍​នៃ​ការ​ចាក់​វ៉ាក់សាំង​នេះ នឹង​ចាប់ផ្ដើម​ឡើង​នៅ​ថ្ងៃ​សុក្រ ទី​១៧ ខែកញ្ញា​នេះ ជាមួយ​គោលដៅ​ចាក់​ជូន​កុមារ​ជិត ១​លាន​៩​សែន​នាក់​នៅ​ទូ​ទាំង​ប្រទេស​កម្ពុជា​។

ទន្ទឹម​នឹង​ការ​ព្យាយាម​បើកចំហ​ប្រទេស​ឡើង​វិញ​តាម​វិធីសាស្ត្រ​ដែល​គេ​ឲ្យ​ឈ្មោះ​ថា «​ការ​រស់នៅ​តាម​បែប​គន្លង​ថ្មី ជាមួយ​កូ​វី​ដ​១៩» ប្រទេស​ក្នុង​តំបន់​អាស៊ាន​នៅ​តែ​ទទួល​រង​ការ​គម្រាមកំហែង​ពី​ការ​ឆ្លង​រាលដាល​កូ​វី​ដ​១៩​ដដែល ពិសេស​កូ​វី​ដ​១៩​បំប្លែង​ខ្លួន​ឌែ​លតា​។

នៅ​អាស៊ាន ឥណ្ឌូ​នេ​ស៊ី​បន្ត​ឈរ​កំពូល​តារាង​មាន​អ្នក​ឆ្លង​សរុប​ច្រើន​ជាងគេ​ដដែល ប៉ុន្តែ​ករណី​ឆ្លង​ប្រចាំ​ថ្ងៃ​របស់​ប្រទេស​នេះ ធ្លាក់​ចុះ​មក​ត្រឹម​ជាង ៤​ពាន់​នាក់​ហើយ នៅឡើយ​តែ​ហ្វី​លី​ពី​ន ម៉ា​ឡេ​ស៊ី ថៃ និង​វៀតណាម​ប៉ុណ្ណោះ ដែល​បន្ត​កត់ត្រា​ពី​ករណី​ឆ្លង​ថ្មី​ៗ​ដល់​ខ្ទង់​ម៉ឺន​ករណី​ជា​រៀងរាល់ថ្ងៃ​។

សូម​បញ្ជាក់​ថា ជាមួយ​អត្រា​ចាក់​វ៉ាក់សាំង​នៅ​មាន​កម្រិត​ទាប លើកលែង តែ​កម្ពុជា​និង​សឹ​ង្ហ​បុរី ប្រទេស​នៅ​អាស៊ី​អាគ្នេយ៍​បាន​កត់ត្រា ពី​អត្រា​ស្លាប់​ប្រចាំ​ថ្ងៃ កើន​លើស​អត្រា​ស្លាប់​ជា​មធ្យម​ប្រចាំ​នៅ​ទូ​ទាំំ​ង​ពិភពលោក​ទៅ​ទៀត​។ នេះ​បើ​តាម​ទិន្ន​ដែល​កត់ត្រា​និង​រៀបរៀង​ដោយសារ​ព័ត៌មាន Bloomberg៕

© 2021 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


មេធំ Huawei ប្តេជ្ញានឹងនាំមុខគេលើការអភិវឌ្ឍបច្ចេកវិទ្យា 6G

ព័ត៌មាន
ក្រោយពីស្ងប់ស្ងាត់បាត់មុខអស់មួយរយៈពេលនៅថ្ងៃនេះ ស្ថាបនិក និងនាយកប្រតិបត្តិក្រុមហ៊ុន Huawei Technologies ប្រកាសក្ដែងៗថា ក្រុមហ៊ុន Huawe...

Google រងការផាកពិន័យ ១៧៧លានដុល្លារអាមេរិក ពីរដ្ឋាភិបាលកូរ៉េខាងត្បូង

ព័ត៌មាន
អាជ្ញាធរកូរ៉េខាងត្បូងបានផាកពិន័យក្រុមហ៊ុន Alphabet Inc ដែលជាក្រុមហ៊ុនមេរបស់ Google ក្នុងតម្លៃទឹកប្រាក់ជិត ១៧៧លានដុល្លារអាមេរិក បន្ទ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ