គណៈកម្មការពាណិជ្ជកម្មដោយយុត្តិធម៌កូរ៉េ (KFTC) បាននិយាយថា Google បានរារាំងដល់អ្នកបង្កើតប្រព័ន្ធប្រតិបត្តិការ Android ដោយបង្ខំឱ្យអ្នកផលិតប្រព័ន្ធប្រតិបត្តិការនេះ ចុះហត្ថលេខាលើកិច្ចព្រមព្រៀងចែកចាយកម្មវិធីទូរស័ព្ទរបស់ខ្លួន។ ក្នុងន័យនេះ ក្រុមហ៊ុនដែលបានចុះហត្ថលេខាលើកិច្ចព្រមព្រៀងនេះ មិនអាចប្រើប្រព័ន្ធប្រតិបត្តិការ ក្នុងការផ្លាស់ប្ដូរកូដ Android ឬ អភិវឌ្ឍប្រព័ន្ធប្រតិបត្តិការផ្ទាល់ខ្លួនបានទេ។
ជាក់ស្ដែង យោងតាមអាជ្ញាធរកូរ៉េខាងត្បូង ក្រុមហ៊ុន Google បានធ្វើកិច្ចការនេះតាំងពីឆ្នាំ ២០១១ នៅពេលដែលខ្លួនទទួលបានចំណែកទីផ្សារ ៧២% នៅក្នុងទីផ្សារទូរស័ព្ទចល័តជាមួយប្រព័ន្ធប្រតិបត្តិការ Androidរបស់ខ្លួន។ ប្រការនេះ នឹងជួយ Google ក្នុងការពង្រឹងភាពលេចធ្លោរបស់ខ្លួននៅក្នុងទីផ្សារប្រព័ន្ធប្រតិបត្តិការទូរស័ព្ទ។
សូមជម្រាបថា គណៈកម្មការពាណិជ្ជកម្មដោយយុត្តិធម៌កូរ៉េ បានចាប់ផ្តើមការស៊ើបអង្កេតទៅលើការអនុវត្តប្រព័ន្ធប្រតិបត្តិការរបស់ Google ចាប់តាំងពីខែកក្កដា ឆ្នាំ ២០១៦ ពោលបានរៀបចំកិច្ចប្រជុំពេញអង្គចំនួន ៣លើករួចហយ ក្នុងរយៈពេល ៤ ខែមុនពេលសម្រេចចិត្តពិន័យក្រុមហ៊ុនអាមេរិចមួយនេះ ។
អត្ថបទទាក់ទង
ការផាកពិន័យនេះកើតឡើងនៅថ្ងៃដែលការធ្វើវិសោធនកម្មច្បាប់ពាណិជ្ជកម្មទូរគមនាគមន៍របស់កូរ៉េខាងត្បូងដែលត្រូវបានគេនិយមហៅថា“ ច្បាប់ប្រឆាំង Google” បានចូលជាធរមាន។
គួរបញ្ជាក់ថា ការផាកពិន័យនេះ នឹងក្លាយជាការផាកពិន័យធំបំផុតទី ៩ ក្នុងពិភពលោក។
ដោយឡែក ក្រុមហ៊ុន Google ឯណោះវិញ មិនទាន់ធ្វើអត្ថាធិប្បាយប្រាប់ទៅកាន់អ្នកសារព័ត៌មានអន្តរជាតិនៅឡើយទេ គិតមកទល់ពេលនេះ។
សូមជ្រាបថា រដ្ឋសភាជាតិកូរ៉េខាងត្បូងបានអនុម័តច្បាប់ថ្មីមួយដែលចុះហត្ថលេខា នៅថ្ងៃទី ៣១ ខែសីហា កន្លងទៅថ្មីៗនេះដោយបានហាមឃាត់ប្រតិបត្តិករ App Store ដូចជា ក្រុមហ៊ុន Google និង Apple មិនឲ្យបង្ខំអ្នកបង្កើតកម្មវិធីត្រូវតែប្រើប្រាស់ប្រព័ន្ធបង់ប្រាក់របស់ខ្លួននោះឡើយ ព្រោះវាត្រូវបានចាត់ទុកជា ការធ្វើអាជីវកម្មបែបផ្តាច់មុខ (Monopoly)៕
អត្ថបទ៖ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
