Advertisement
Advertisement
គម្រោងកិច្ចព្រមព្រៀង​ពាណិជ្ជកម្មថៃ-អឺរ៉ុប

ថៃ ដុតដៃដុតជើងជំរុញឲ្យមានកិច្ចចរចាពាណិជ្ជកម្មសេរីជាមួយសហភាពអឺរ៉ុប


នាយកដ្ឋានចរចាពាណិជ្ជកម្មរបស់ថៃ បានប្រកាសថា អាចនឹងបញ្ចប់ការសិក្សាអំពី កិច្ចព្រមព្រៀងពាណិជ្ជកម្មសេរី ជាមួយនឹង សហភាពអឺរ៉ុប ក្នុងពេលឆាប់ៗខាងមុខនេះ ហើយនឹងបន្តបញ្ជូនរបាយការណ៍ទៅកាន់រដ្ឋមន្ត្រីក្រសួងពាណិជ្ជកម្មថៃ ដើម្បីពិចារណា នៅក្នុងខែកញ្ញានេះ ឬដើមខែតុលាខាងមុខ។ នេះបើយោងតាមការចេញផ្សាយរបស់ សារព័ត៌មាន Bangkok Post នៅក្នុងថ្ងៃនេះ។
រាជរដ្ឋាភិបាលជាប់ឆ្នោតថ្មីរបស់ថៃ ចូលតុចរចាជាមួយ អឺរ៉ុបទាក់ទងនឹងកិច្ចព្រមព្រៀងពាណិជ្ជកម្មសេរីឡើងវិញ (https://www.thaipbsworld.com)
ដោយ
Advertisement

លោកស្រី អ៊ូ រ៉ា​ម៉ុ​ន ប្រធាន​នាយកដ្ឋាន​ចរចា​ពាណិជ្ជកម្ម​ថៃ បាន​បញ្ជាក់​ថា រាជរដ្ឋាភិបាល​ថៃ នឹង​បើក​វេទិកា​មួយ​ទាក់ទង​នឹង​គម្រោង​កិច្ចព្រមព្រៀង​ពាណិជ្ជកម្ម​សេរី​រវាង ថៃ និង​សហភាព​អឺរ៉ុប​នេះ ដើម្បី​ស្តាប់​យោបល់​ពី វិស័យ​ឯកជន សង្គម​ស៊ី​វិល និង​កសិករ ដោយ​វេទិកា​នេះ អាច​នឹង​ធ្វើ​ឡើង​មុន​ដំណាច់​ខែកញ្ញា​នេះ​។

លោកស្រី អ៊ូ រ៉ា​ម៉ុ​ន បន្ត​ថា យោបល់ ដែល​លើក​ឡើង​ក្នុង​វេទិកា គួប​ផ្សំ​នឹង​ការ​សិក្សា​បញ្ចប់ នឹង​ត្រូវ​រៀបចំ​ជា​សំណើ ដាក់​ជូន​ដល់​រដ្ឋ​ម​ន្ត្រី្ក​ក្រសួងពាណិជ្ជកម្ម​ថៃ នៅ​ចុងខែ​កញ្ញា​នេះ យ៉ាង​យូរ​បំផុត ត្រឹម​ដើមខែ​តុលា​។

លើស​ពី​នេះ​ទៅ​ទៀត ដំណើរការ​នៃ​ការ​ត្រួតពិនិត្យ​ទាំងអស់ រាប់​បញ្ចូល​ទាំង សេចក្តីសម្រេច​របស់ គណៈរដ្ឋមន្ត្រី​ថៃ នឹង​ត្រូវ​បាន​បញ្ចប់​ឲ្យ​បាន​ក្នុង​ឆ្នាំ ២០២០​នេះ ដើម្បី​បើក​កិច្ចចរចា ចាប់ពី​ដើមឆ្នាំ ២០២១​ខាង​មុខ​ទៅ​។

ចំពោះ វិស័យ​ឯកជន​ថៃ ក៏​បាន​បង្ហាញ​ពី​ការ​គាំទ្រ​ដល់ កិច្ចព្រមព្រៀង​នេះ ដោយ​អះអាង​ថា បើសិនជា​គ្មាន​កិច្ចព្រមព្រៀង​នេះ​ទេ ថៃ នឹង​បាត់បង់ សមត្ថភាព​ប្រកួតប្រជែង​ជា​ច្រើន បើ​ធៀប​ទៅ​នឹង​បណ្តា​ប្រទេស​ដទៃ​។

កាលពី​ឆ្នាំ ២០១៩​កន្លង​ទៅ ថៃ និង​សហភាព​អឺរ៉ុប សម្រេច​បាន​នូវ ទំហំ​ពាណិជ្ជកម្ម​ទ្វេភាគី​ជាង ៤៤​ពាន់​លាន​ដុល្លារ​អា​មេ​រិ​ក ដែល​ស្មើនឹង ៩% នៃ​ទំហំ​ពាណិជ្ជកម្ម​សរុប​របស់​ថៃ ហើយ​សហភាព​អឺរ៉ុប ក៏​ជា​ដៃគូ​វិនិយោគ​ធំ​ជាងគេ​លំដាប់​ទី ៥ របស់​ប្រទេស​ថៃ​។

បើ​តាម​ការ​សិក្សា​របស់ នាយកដ្ឋាន​ចរចា​ពាណិជ្ជកម្ម​ថៃ និង​វិទ្យាស្ថាន​សិក្សា​អនាគត​ដើម្បី​ការ​អភិវឌ្ឍន៍ បាន​បង្ហាញ​ថា កិច្ចព្រមព្រៀង​ពាណិជ្ជកម្ម​សេរី​ជាមួយ​សហភាព​អឺរ៉ុប អាច​នឹង​ជួយ​ជម្រុញ​ដល់​ការ​នាំ​ចេញ ៣% ថែម​ទាំង​ជម្រុញ​ការ​នាំ​ចូល ៣% និង​ការ​វិនិយោគ ២,៧% ថែម​ទៀត ដែល​អាច​ជម្រុញ​បង្កើន​កំណើនសេដ្ឋកិច្ច​ថៃ ដល់​ទៅ ១,៦% ក្នុង​មួយ​ឆ្នាំ​។

សូម​ជម្រាប​បន្ថែម​ថា មុខទំនិញ​សំខាន់​ៗ ដែល​នាំ​ចេញពី​ប្រទេស​ថៃ ទៅ​កាន់​ទីផ្សារ​អឺរ៉ុប រួម​មាន កុំព្យូទ័រ និង​គ្រឿង​បង្គុំ យានយន្ត គ្រឿងអលង្ការ ផ​លិ​ផល​កៅស៊ូ និង​សាច់​មាន់​ជាដើម ហើយ​ថៃ នាំ​ចូល​មក​វិញ​នូវ គ្រឿង​ម៉ាស៊ីន​ធំ​ៗ គ្រឿង​អេ​ឡិច​ត្រូ​និក និង​ធាតុ​ផ្សំ​គីមី​ជា​ច្រើន​៕

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


អ្នកជំនាញអះអាងថា ការបើកច្រកព្រំដែនជាមួយប្រទេសជិតខាងកាន់តែច្រើន នឹងជំរុញកំណើនវិស័យដឹកជញ្ជូនថែមមួយកម្រិតទៀត

ព័ត៌មាន
អ្នកជំនាញនៅក្នុងវិស័យដឹកជញ្ជូនកម្ពុជាបានឲ្យដឹងថា វិស័យសេវាកម្មដឹងជញ្ជូនទំនិញនៅកម្ពុជា នឹងមានភាពល្អប្រសើរកាន់តែច្រើនជាងនេះទៀត បន្ទាប់ពី...

សិប្បកម្មផលិតទឹកម្នាស់ទឹកឃ្មុំស្ទឹងត្រែង មិនអាចបំពេញតម្រូវការទីផ្សារបានទៀងទាត់ ព្រោះកង្វះដើមទុន

ព័ត៌មាន
ដោយសារតែជួបឧបសគ្គខ្វះដើមទុន ក្នុងការពង្រីកផ្ទៃដីដាំម្នាស់ទឹកឃ្មុំបន្ថែម ម្ចាស់កសិដ្ឋាន ស្វីត រ៉ូយ៉ាល់ផាយនេបផល (Sweet Royal Pineapple)...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ