បើនិយាយពីការចាក់វ៉ាក់សាំងឲ្យប្រជាជនវិញ ប្រទេសថៃហាក់នៅមិនទាន់ពន្លឿនកិច្ចប្រឹងប្រែងនេះនៅឡើយទេ ដោយគិតមកដល់ពេលនេះ មានប្រជាជនមិនដល់ ៥សែន ៧ម៉ឺននាក់ផងទេ ដែលបានចាក់វ៉ាក់សាំងដូសទីមួយ ។
យោងតាមទីភ្នាក់ងារព័ត៌មាន រ៉យទ័រ លោកនាយករដ្ឋមន្ត្រី ប្រាយុត ចាន់អូចា បានប្រាប់អ្នកសារព័ត៌មាន ថា «ឥឡូវនេះ យើងកំពុងរង់ចាំឯកសារប៉ាន់តម្លៃ និងលក្ខខណ្ឌនៃការទិញ» ។
អត្ថបទទាក់ទង
លោកនាយករដ្ឋមន្ត្រីបានបន្ថែមថា រយៈពេលនៃការដឹកជញ្ជូនវ៉ាក់សាំង Pfizer-BioNTech មកដល់ប្រទេសថៃ ត្រូវបានគេដាក់គោលដៅនៅត្រឹមខែកក្កដា ឬរហូតដល់ដាច់ឆ្នាំនេះ ។
អាជ្ញាធរថៃបានឲ្យដឹងនៅថ្ងៃអង្គារ ទី២០ មេសា ផងដែរថា ការឆ្លងរីករាលដាលនៃជំងឺកូវីដ-១៩ នៃរលកទីបី បានលុកលុយទៅដល់គ្រប់ទាំង ៧៧ ខេត្ត របស់ប្រទេសថៃហើយ ។
គិតត្រឹមដើមសប្ដាហ៍នេះ ប្រទេសថៃមានករណីឆ្លងកូវីដ-១៩ សរុបទាំងអស់ ៤៥១៨៥នាក់ ក្នុងនោះមានស្លាប់ ១០៨នាក់ ៕
