ជប៉ុនគ្រោងបង្កើតគម្រោងទាញយកថាមពលពន្លឺព្រះអាទិត្យពីក្នុងលំហតម្លៃជិត៧ពាន់លានដុល្លារ
ក្រុមអ្នកស្រាវជ្រាវជនជាតិ ជប៉ុន មួយក្រុមកំពុងពិសោធន៍លើការប្រើបច្ចេកវិទ្យាក្នុងការទាញយកថាមពលពន្លឺព្រះអាទិត្យពីក្នុងលំហរួចបញ្ជូនថាមពលទាំងនោះ…
ប្រធានគ្រប់គ្រងជំនួយថ្មីរបស់អង្គការសហប្រជាជាតិ លោក ថម ផ្លិចឈ័រ (Tom Fletcher) បានប្រាប់ក្រុមអ្នកកាសែតនៅទីក្រុងហ្សឺណែវ ប្រទេសស្វីស កាលពីថ្ងៃពុធថា ពេលនេះអង្គការសហប្រជាជាតិកំពុងប្រកាសស្វែងរកជំនួយចំនួន៤៧ពាន់លានដុល្លារ សម្រាប់ឆ្នាំ២០២៥ ដើម្បីជួយអ្នករងគ្រោះដោយជម្លោះនៅប្រទេសស៊ូដង់ ស៊ីរី ហ្គាហ្សា និងអ៊ុយក្រែន។
អង្គការសហប្រជាជាតិ បានកាត់បន្ថយការស្វែងរកថវិកាជំនួយពីចំនួន៥៦ពាន់លានដុល្លារ នៅឆ្នាំ២០២៣ មកនៅត្រឹមតែ៤៦ពាន់លានដុល្លារ នៅឆ្នាំ២០២៤ ខណៈដែលទឹកចិត្តរបស់ម្ចាស់ជំនួយបានធ្លាក់ចុះដោយសារពួកគេបានផ្តល់មូលនិធិត្រឹមតែ៤៣% ដែលជាអត្រាមួយទាបបំផុតមិនធ្លាប់មាននៅក្នុងប្រវត្តិសាស្ត្រ ហើយទីក្រុងវ៉ាស៊ីនតោន បានផ្តល់ជាង១០ពាន់លានដុល្លារ ដែលស្មើនឹងពាក់កណ្តាលនៃមូលនិធិដែលទទួលបាន។
ទីភ្នាក់ងារ OCHA បាននិយាយថា ពេលនេះបុគ្គលិកផ្ដល់ជំនួយត្រូវសម្រេចចិត្តដ៏លំបាក ដោយកាត់បន្ថយជំនួយស្បៀងអាហារចំនួន៨០%នៅប្រទេសស៊ីរី និងសេវាទឹកនៅក្នុងប្រទេសយេម៉ែន ដែលងាយរងគ្រោះដោយជំងឺអាសន្នរោគ។
ការស្វែងរកជំនួយថ្មីនេះបានធ្វើឡើងក្រោយពីប្រធានាធិបតីជាប់ឆ្នោតលោក ដូណាល់ ត្រាំ បាននិយាយថា លោក នឹងរក្សាថវិកាជំនួយរបស់អាម៉េរិក ឱ្យនៅដដែល គឺ១០ពាន់លានដុល្លារ ដូច្នេះហើយមន្ត្រីផ្ដល់ជំនួយ និងក្រុមអ្នកកាទូតរបស់សហប្រជាជាតិ ទំនងជានឹងធ្វើការកាត់បន្ថយជំនួយបន្ថែមទៀតតាមលទ្ធភាពដែលអាចធ្វើបាននាពេលអនាគត៕
អត្ថបទ៖ សុខ មង្គល
