ការបន្ដរឹតត្បិតជើងហោះហើរនេះ អាចជាដំណឹងល្អ សម្រាប់ពលរដ្ឋអាមេរិកដែលបាម្ភពីការនាំកូវីដ១៩ចូលក្នុងប្រទេសរបស់ខ្លួន ប៉ុន្តែសម្រាប់ក្រុមហ៊ុនអាកាសចរណ៍ និងភ្នាក់ងារទេសចរណ៍ក្រៅប្រទេសវិញ នេះជាដំណឹងដ៏សោកសៅបំផុត។ ក្រោយខាតបង់អស់រយៈពេលជិត២ឆ្នាំមកហើយ ក្រុមហ៊ុនអាការចរណ៍ និងទេសចរណ៍ទាំងអស់នៅអាមេរិករំពឹងថា អាចមានការធ្វើដំណើរ និងរៀបចំដំណើរកម្សាន្ដឡើងវិញ នៅរដូវក្តៅខាងមុខនេះ ជាពិសេសដំណើរកម្សាន្ដរដូវក្តៅទៅកាន់តំបន់អឺរ៉ុប។
ការបន្តរឹតត្បិតជើងហោះហើរនេះ ធ្វើឡើងនៅក្នុងកិច្ចប្រជុំថ្នាក់កំពូលនៃមន្ត្រីប្រចាំនៅសេតវិមានអាមេរិកកាលពីថ្ងៃសុក្រសប្តាហ៍មុន ដែលចំណាយពេលអស់រាប់ម៉ោង មុននឹងឈានដល់ការសម្រេចថា សហរដ្ឋអាមេរិកនៅបន្តហាមឃាត់ប្រជាជនមកពីស្ទើរទូទាំងពិភពលោក ចូលមកសហរដ្ឋអាមេរិកដដែល។ ក្នុងន័យនេះ អាមេរិកនៅតែរក្សាគោលការណ៍ និងវិធានការសុវត្ថិភាព ដែលបានដាក់ចេញតាំងពីឆ្នាំ២០២០ដដែល។
អ្នកនាំពាក្យសេតវិមានអាមេរិក ជេន ប៉ាស្គី Jen Psaki នៅថ្ងៃច័ន្ទសប្តាហ៍នេះ បានថ្លែងឲ្យដឹងថា ការបន្តរឹតត្បិតជើងហោះហើរឆ្លងកាត់ព្រំដែនចូលមកក្នុងសហរដ្ឋអាមេរិកនេះ គឺធ្វើឡើងក្រោយសហរដ្ឋអាមេរិកបារម្ភពីករណីឆ្លងថ្មីៗកំពុងកើនឡើង ជាពិសេសបារម្ភពីវត្តមាននៃមេរោគកូវីដ១៩ឌែលតា ទាំងនៅអាមេរិក និងនៅជុំវិញពិភពលោក។
អត្ថបទគួរអាន
ប្រការនេះអាចជាដំណឹងល្អ សម្រាប់ពលរដ្ឋអាមេរិកដែលបាម្ភពីការនាំកូវីដ១៩ចូលក្នុងប្រទេសរបស់ខ្លួន ប៉ុន្តែសម្រាប់ក្រុមហ៊ុនអាកាសចរណ៍ និងភ្នាក់ងារទេសចរណ៍ក្រៅប្រទេសវិញ នេះជាដំណឹងដ៏សោកសៅបំផុត។ ក្រោយខាតបង់អស់រយៈពេលជិត២ឆ្នាំមកហើយ ក្រុមហ៊ុនអាការចរណ៍ និងទេសចរណ៍ទាំងអស់នៅអាមេរិករំពឹងថា អាចមានការធ្វើដំណើរ និងរៀបចំដំណើរកម្សាន្ដឡើងវិញ នៅរដូវក្តៅខាងមុខនេះ ជាពិសេសដំណើរកម្សាន្ដរដូវក្តៅទៅកាន់តំបន់អឺរ៉ុប។
គួររំឭកថា សហរដ្ឋអាមេរិកមកទល់នឹងពេលនេះ បានហាមឃាត់ពលរដ្ឋដែលមិនមានសញ្ជាតិអាមេរិកទាំងអស់មិនឲ្យចូលមកក្នុងសហរដ្ឋអាមេរិកនោះទេ ប្រសិនបើអ្នកទាំងនោះក្នុងរយៈពេល១៤ថ្ងៃចុងក្រោយបានធ្វើដំណើរ ឬឆ្លងកាត់ប្រទេសដែលហានិភ័យឆ្លងកូវីដ១៩ខ្ពស់។ ប្រទេសទាំងនោះរួមមាន ចក្រភពអង់គ្លេស, ប្រទេសចំនួន ២៦ក្នុងតំបន់អឺរ៉ុប, ចិន ឥណ្ឌា អាហ្វ្រិកខាងត្បូង អីរ៉ង់ និងប្រេស៊ីល។
មិនត្រឹមតែបន្តរឹតត្បិតការចេញចូលសហរដ្ឋអាមេរិកពីសំណាក់ជនបរទេសនោះទេ សូម្បីតែពលរដ្ឋអាមេរិកខ្លួនឯង ក៏ត្រូវបានរដ្ឋាភិបាលលោក ចូ បៃឌិន ណែនាំកុំឲ្យធ្វើដំណើរទៅក្រៅប្រទេសផងដែរ ដូចជាការធ្វើដំណើរទៅកាន់ប្រទេសនៅតំបន់អឺរ៉ុបមួយចំនួន ដែលកំពុងកម្រើកឡើងវិញនូវករណីឆ្លងថ្មីៗ រួមមាន អង់គ្លេស និងបារាំងជាដើម។
សូមជម្រាបថា ករណីឆ្លងថ្មីនៅសហរដ្ឋអាមេរិក ក៏មានកំណើនឡើងវិញគួរឲ្យកត់សម្គាល់ផងដែរ ជាក់ស្តែងបើតាម លោក រ៉ូឆែល វ៉លឡេនស្គី (Rochelle Walensky) ប្រធានមជ្ឈមណ្ឌលគ្រប់គ្រងនិងការពារជំងឺឆ្លងរបស់សហរដ្ឋអាមេរិក (CDC) បានឲ្យដឹងថា ចំនួនអ្នកឆ្លងកូវីដ១៩ថ្មីៗនៅអាមេរិកគិតជាមធ្យមក្នុងមួយសប្តាហ៍ចុងក្រោយបានហក់ឡើងជាង ៥០%ឯណោះ បើធៀបនឹងសប្តាហ៍មុន៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
