Advertisement
Advertisement
វៀតណាម 5G

វៀតណាម បន្តនាំចេញផលិតផល 5G ទោះបីជាក្នុងប្រទេសខ្លួនមិនទាន់មានប្រើបណ្តាញ 5G នៅឡើយ


សហគ្រាសក្នុងស្រុកជាច្រើនរបស់ប្រទេសវៀតណាម បានដំឡើង និងនាំចេញផលិតផលដែលប្រើប្រាស់បច្ចេកវិទ្យា 5G ទៅកាន់ទីផ្សារសកលលោក បើទោះបីជា បណ្តាញបច្ចេកវិទ្យាមួយនេះ ពុំទាន់ដំណើរការជាផ្លូវការ នៅក្នុងប្រទេសវៀតណាមក៏ដោយ។ នេះបើយោងតាមការចេញផ្សាយរបស់ សារព័ត៌មានក្នុងស្រុកវៀតណាម។
វៀតណាម បន្តនាំចេញផលិតផល 5G ទោះបីជាក្នុងប្រទេសខ្លួនមិនទាន់មានប្រើបណ្តាញ 5G នៅឡើយ (រូបភាព៖mic.gov.vn)
ដោយ
Advertisement

ថ្នាក់ដឹកនាំ​ជាន់ខ្ពស់​នៃក្រុមហ៊ុន VinSmart បាន​គូសបញ្ជាក់​ថា ក្រុមហ៊ុន​ VinSmart​ ទើបតែ​បង្កើត​ឡើង​ក្នុងទីក្រុង​ហាណូយ កាលពីឆ្នាំ ២០១៩​កន្លងទៅ និងបាន​ក្លាយជា​ក្រុមហ៊ុន​ទីមួយ ក្នុងស្រុក ដែល​ផលិត​ទូរសព្ទ​ស្មាតហ្វូន​បំពាក់​ទៅដោយ បច្ចេកវិទ្យា​ 5G​ ហើយវា​ជាការ​បើក​ឱកាសឲ្យ​វៀតណាម អាច​ប្រកួត​ជាមួយ​ដៃគូធំៗ នៅក្នុង​ទីផ្សារ​សកលបាន។

ជាក់ស្តែង ក្រុមហ៊ុន VinSmart​ បានចុះកិច្ច​សន្យា​ផលិត និងនាំចេញ ស្មាតហ្វូន​ Vsmart​ ដែល​បំពាក់ទៅ​ដោយ​បច្ចេកវិទ្យា 5G ចំនួន​២លាន​គ្រឿង​ទៅកាន់​ទីផ្សារ​អាមេរិក ហើយនឹង​អាចនាំចេញ​ទៅកាន់​ទីផ្សារ​អាមេរិក​ប៉ែក​ខាងជើង នៅក្នុងឆ្នាំ​២០២១​ខាងមុខ​ថែមទៀត​ផង។

ក្រុមហ៊ុន​ VinSmart ក៏បាន​សហការ​ជាមួយ ក្រុមហ៊ុន​បច្ចេកវិទ្យា​ទំនើប​ Qualcomm​ មកពី​អាមេរិក​នៅក្នុង​ការបង្កើត​ការអភិវឌ្ឍ​ និងការលក់​ផលិតផល​ស្មាតហ្វូន​ 5G​ ទៅកាន់​ទីផ្សារ​អាមេរិក ហើយក្រៅពី​នោះ​ក៏មាន​ការ​ផលិត​ឧបករណ៍​បច្ចេក​វិទ្យា 5G ជាច្រើនទៀត​ ដូចជា ដុំ Wi-Fi ចល័ត​ កាមេរ៉ា និងកុំព្យូទ័រ Laptop ជាដើម សម្រាប់​ទីផ្សារ​វៀតណាម និងទីផ្សារ​សកលលោក។

បើទោះបីជា ប្រទេស​វៀតណាម ពុំទាន់ដាក់​ឲ្យដំណើរ​ការ​បច្ចេកវិទ្យា 5G ក្នុង​ប្រទេសក្តី ក្រុមហ៊ុន​វិនិយោគទាំង ២ខាងលើនេះ បានប្រើប្រាស់​មន្ទីរ​ពិសោធន៍ ដែលបំពាក់​ទៅ​ដោយ បច្ចេកវិទ្យា​ 5G ដើម្បីធានា​ឲ្យ​បានថា ផលិតផល​ដែល​សម្រេច​បាន សមស្រប​ជាមួយ​នឹង​បណ្តាញ​បច្ចេកវិទ្យា ​5G នៅលើ​ទីផ្សារ​សកលលោក។

សូម្បីតែ ក្រុមហ៊ុន​បច្ចេកវិទ្យា​ចិន Huawei ក៏សម្លឹង​មើលឃើញ​ពី សក្តានុពល​នៃទីផ្សារ​បច្ចេកវិទ្យា ​5G នៅក្នុង​ប្រទេស​វៀតណាម​ដែរ ហើយក្រុមហ៊ុន Huawei​ កាលពីពេលថ្មីៗ​នេះ ក៏បាន​បញ្ជាក់​ដែរថា ក្រុមហ៊ុន​មាន​គម្រោង​អភិវឌ្ឍ​បណ្តាញ 5G នៅ​ក្នុង​ប្រទេស​វៀតណាម។

សូមបញ្ជាក់ដែរថា បើតាមផែនការ​របស់​ក្រសួង​ព័ត៌មាន និងទំនាក់ទំនង​វៀតណាម គឺថា បណ្តាញ​បច្ចេកវិទ្យា ​5G នឹងត្រូវ​បានដាក់ឲ្យ​ដំណើរការ​ក្នុងខែ​នេះ ដោយប្រើប្រាស់​ឧបករណ៍​ផលិត​ក្នុង​ស្រុក ក៏ប៉ុន្តែ​ផែនការនេះ មានភាព​យឺតយ៉ាវ​ ហើយចំពោះ​ក្រុមហ៊ុន​វិនិយោគ​ក្នុងស្រុក​ជាច្រើន ក៏រំពឹងដែរថា បណ្តាញ​បច្ចេកវិទ្យា ​5G ​នឹងអាច​ប្រើប្រាស់​បាននៅ​ក្នុង​ឆ្នាំ​២០២១​ខាងមុខ៕

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ជនជាតិចិន ជាភ្ញៀវទេសចរអន្តរជាតិដំបូងគេ ដែលថៃទទួលបាន តាំងពីមានការបិទប្រទេសដោយសារកូវីដ-១៩

ព័ត៌មាន
ប្រទេសថៃ បានចាប់ផ្តើមបើកទ្វារទទួល ភ្ញៀវទេសចរអន្តរជាតិឡើងវិញហើយ ដោយចាប់ផ្តើមពីក្រុមទេសចរមកពីប្រទេសចិន ក្រោមគម្រោងទិដ្ឋាការទេសចរណ៍ពិសេស...

ពន្ធលើចំណេញមូលធន ត្រូវបានរាជរដ្ឋាភិបាលពន្យារពេលអនុវត្ត ១ឆ្នាំទៀត

ព័ត៌មាន
នៅទីបំផុត ការអនុវត្តពន្ធ​លើចំណេញមូលធន ដែលគ្រោងនឹងចាប់ផ្ដើមអនុវត្តនៅដើមឆ្នាំ២០២១នោះ ត្រូវបានរាជរដ្ឋាភិបាលសម្រេចពន្យារពេលមួយឆ្នាំ ក្នុងក...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ