តើប្រទេសណាដែលគេរំពឹងអាចបញ្ឈប់ការប្រើប្រាស់រថយន្តដើរដោយប្រេងឥន្ធនៈដំបូងគេនៅលើពិភពលោក?
ប្រទេសន័រវែស ដែលមានប្រជាជនប្រមាណជាង៥លាននាក់ ត្រូវបានគេរំពឹងថា នឹងក្លាយជាប្រទេសដំបូងគេនៅលើពិភពលោក ដែលអាចឈានទៅលុបបំបាត់ការប្រើប្រាស់រថ…
ការនាំចេញទំនិញរបស់វៀតណាម ទៅកាន់ទីផ្សារអន្តរជាតិ បានឈានដល់៤០៥ពាន់លានដុល្លារនៅឆ្នាំ២០២៤ កន្លងទៅ ក្នុងនោះគ្រាន់តែផលិតផលអេឡិចត្រនិកមួយមុខ ប្រទេសនេះ អាចរកចំណូលបានរហូតដល់ជាង១២៦ពាន់លានដុល្លារ ដោយស្មើនឹង១ភាគ៣នៃការនាំចេញសរុប។ ជាមួយគ្នានេះប្រទេសក្បែរខាងកម្ពុជា មួយនេះ ដាក់គោលដៅជំរុញការនាំចេញនៅក្នុងឆ្នាំ២០២៥ នេះ ឲ្យសម្រេចបានកំណើនយ៉ាងហោចណាស់១២% លើទំហំនាំចេញកាលពីឆ្នាំ២០២៤ ពោលគឺនៅក្នុងមួយខែវៀតណាម ត្រូវតែជំរុញការនាំចេញឲ្យបានច្រើនជាងកាលពីឆ្នាំ២០២៤ យ៉ាងហោចណាស់៤ពាន់លានដុល្លារ។
សមាគមវាយនភណ្ឌ និងកាត់ដេរវៀតណាម បានអះអាងថា អាជីវកម្មជាច្រើនក្នុងវិស័យវាយនភណ្ឌវៀតណាម ទទួលបានការបញ្ជាទិញរហូតដល់ពាក់កណ្តាលឆ្នាំ ដែលជំរុញឱ្យរោងចក្រពន្លឿនការផលិត។ ឧស្សាហកម្មវាយនភណ្ឌរបស់វៀតណាម មានគោលបំណងជំរុញការនាំចេញពី៤៨ ទៅ៤៩ពាន់លានដុល្លារក្នុងឆ្នាំ២០២៥ ពោលគឺលើសការនាំចេញកាលពីឆ្នាំ២០២៤ ពី៤ទៅ៥ពាន់លានដុល្លារ។
បច្ចុប្បន្នវៀតណាម កំពុងជំរុញការចរចាលើការធ្វើឱ្យប្រសើរឡើងនូវកិច្ចព្រមព្រៀងពាណិជ្ជកម្មសំខាន់ៗ រួមទាំងកិច្ចព្រមព្រៀងពាណិជ្ជកម្មរវាងអាស៊ាន និងដៃគូដូចជាកិច្ចព្រមព្រៀងពាណិជ្ជកម្មអាស៊ាន-ចិន និង កិច្ចព្រមព្រៀងទ្វេភាគីមួយចំនួនទៀត៕
ដោយៈ សរ សុជាតិ
