គម្រោងឆ្នាំ ២០២១-២០៣០ ស្តីពីការអភិវឌ្ឍប្រកបដោយចីរភាព នៃឧស្សាហកម្មកែច្នៃឈើវៀតណាមមានគោលបំណងប្រែក្លាយវិស័យនេះ ទៅជាសេដ្ឋកិច្ចដ៏សំខាន់មួយ និងលើកកម្ពស់ពាណិជ្ជម៉ាកសញ្ញាផលិតផលឈើរបស់វៀតណាមទាំងក្នុងស្រុក និងក្រៅស្រុក។
តាមរយៈនេះ តម្លៃឈើ និងផលិតផលឈើសម្រាប់ការនាំចេញត្រូវបានកំណត់ជិត ២០ ពាន់លានដុល្លារនៅឆ្នាំ ២០២៥ និងជិត ២៥ ពាន់លានដុល្លារនៅឆ្នាំ ២០៣០ ខណៈសម្រាប់ការប្រើប្រាស់ក្នុងស្រុកត្រូវបានកំណត់វិញត្រូវបានកំណត់ថានឹងមាន ៥ ពាន់លាន ទៅ ៦ ពាន់លានដុល្លារ។ សូមជម្រាបថា រាល់ផលិតផលធ្វើពីឈើ និងឈើសម្រាប់ការនាំចេញ និងប្រើប្រាស់ក្នុងស្រុក ត្រូវបានគេរំពឹងថានឹងមានប្រភពចេញពីវត្ថុធាតុដើមឈើស្របច្បាប់ ដែលមានវិញ្ញាបនប័ត្រគ្រប់គ្រងព្រៃឈើប្រកបដោយនិរន្តរភាព។
អត្ថបទគួរអាន
យ៉ាងណាមិញ ដើម្បីឆ្ពោះទៅរកគោលដៅទាំងនេះ ភារកិច្ចសំខាន់នៃគម្រោង គឺអភិវឌ្ឍហេដ្ឋារចនាសម្ព័ន្ធ និងពង្រីកទំហំផលិតកម្ម។ តាមរយៈគោលដៅនេះ វានឹងដំណើរការ ដើម្បីបង្កើតតំបន់ព្រៃឈើបច្ចេកវិទ្យាកម្រិតខ្ពស់ចំនួនប្រាំ ដោយទាក់ទាញការវិនិយោគពីអ្នកកែច្នៃឈើ និងអ្នកផលិតសម្ភារៈជំនួយ។ ក្រៅពីនេះ វៀតណាមក៏សម្លឹងមើលការកសាងមជ្ឈមណ្ឌលតាំងពិពណ៌គ្រឿងសង្ហារឹមថ្នាក់ជាតិ និងលើកកម្ពស់ដល់ការបង្កើតមជ្ឈមណ្ឌលស្រាវជ្រាវ និងរចនាផលិតផលឈើដើម្បីបំពេញតម្រូវការអ្នកប្រើប្រាស់ផងដែរ។ ខណៈភារកិច្ចមួយទៀត គឺបង្កើតក្រុមផលិតផល ដែលមានគុណសម្បត្តិប្រកួតប្រជែង តម្លៃបន្ថែម និងតម្រូវការខ្ពស់ និងស្ថិរភាពនៅក្នុងទីផ្សារ។
សូមជម្រាបថា សហរដ្ឋអាមេរិក ជប៉ុន សាធារណៈរដ្ឋកូរ៉េ សហភាពអឺរ៉ុប និងចិនត្រូវបានកំណត់ថាជាទីផ្សារចម្បងសម្រាប់ផលិតផលឈើវៀតណាម ខណៈដែលក្រុមហ៊ុនកែច្នៃឈើត្រូវបានលើកទឹកចិត្តឱ្យប្រើប្រាស់ពាណិជ្ជសញ្ញា “Go Viet” (ឈើផលិតនៅវៀតណាម) និងទាញយកប្រយោជន៍ពីពាណិជ្ជកម្មអេឡិចត្រូនិក និង កម្មវិធីបច្ចេកវិទ្យាផ្សេងទៀត៕
អត្ថបទ ស៊ើង និមល់
None
