ប្រភពម្នាក់ក្នុងចំណោម៣នេះបាននិយាយថា ការវិនិយោគនឹងស្ថិតនៅភាគខាងជើងប្រទេសវៀតណាម ជាមួយទឹកប្រាក់២៥០លានដុល្លារដែលជាការពង្រីកវត្តមានរបស់ក្រុមហ៊ុនមេ BYD នៅក្នុងប្រទេសវៀតណាម។ បច្ចុប្បន្នក៏មានក្រុមហ៊ុនបុត្រសម្ព័ន្ធរបស់ BYD មួយកំពុងផលិតបន្ទះស្រូបពន្លឺព្រះអាទិត្យនៅវៀតណាមផងដែរ។
ការផ្លាស់ប្តូរខ្សែចង្វាក់ផ្គត់ផ្គង់ និងផលិតកម្មចេញពីទឹកដីចិនកាន់តែច្រើន សូម្បីតែពីក្រុមហ៊ុនចិនខ្លួនឯងសបញ្ជាក់ ពីភាពតានតឹងរវាងចិននិងអាមេរិកក្នុងសំណុំរឿងពាណិជ្ជកម្ម កំពុងធ្វើឱ្យអ្នកវិនិយោគបារម្ភពីការរកស៊ីរបស់ពួកគេ។
ទោះយ៉ាងណា ក្រុមហ៊ុណ BYD បានបដិសេធអត្ថាធិប្បាយជុំវិញគម្រោងវិនិយោគថ្មីនេះ។
អត្ថបទគួរអាន
ក្រុមហ៊ុនផលិតរថយន្តដែលមានមូលដ្ឋាននៅទីក្រុង ស៊ី អាន (Xi’an) លក់ដាច់រថយន្តអគ្គិសនីបានច្រើនជាងគូប្រជែងរបស់ខ្លួនគឺក្រុមហ៊ុន Tesla ប្រមាណ២ភាគ៣ នៅប្រទេសចិនកាលពីឆ្នាំមុន ហើយឥឡូវនេះក្រុមហ៊ុនចិនមួយនេះបាននិងកំពុងពង្រីកកន្លែងផ្សេងទៀតក្នុងតំបន់អាស៊ីរួមទាំងនៅប្រទេសសិង្ហបុរី និងជប៉ុន និងអឺរ៉ុបផងដែរ។
ក្រៅតែនៅប្រទេសវៀតណាម ក្រុមហ៊ុន BYD បានប្រកាសកាលពីខែកញ្ញាថា ក្រុមហ៊ុននេះនឹងសាងសង់រោងចក្រដំឡើងរថយន្តអគ្គិសនីនៅក្នុងប្រទេសថៃដែលមានសមត្ថភាពផលិតរថយន្តប្រចាំឆ្នាំបានចំនួន ១៥ ម៉ឺនគ្រឿងចាប់ពីឆ្នាំ២០២៤តទៅ។
សូមជម្រាបថា ការពិភាក្សាមួយចំនួនកំពុងតែដំណើរការដើម្បីជ្រើសរើសទីតាំងសម្រាប់ការបង្កើតរោងចក្រនៅប្រទេសវៀតណាម ហើយប្រភពមួយបានបញ្ជាក់ថា ក្រុមហ៊ុន BYD នេះគ្រោងនឹងចាប់ផ្ដើមសាងសង់រោងចក្ររបស់ខ្លួននៅពាក់កណ្តាលឆ្នាំ២០២៣នេះហើយ៕
អត្ថបទ ៖ សុខ ជា
