វៀតណាម រកចំណូលបានជិត២ពាន់លានដុល្លារ ពីការនាំចេញជ័រកៅស៊ូ នៅ៨ខែឆ្នាំនេះ

ទិន្នន័យគយវៀតណាម បានបង្ហាញថា នៅគ្រាន់តែនៅក្នុងខែសីហា វៀតណាមនាំចេញជ័រកៅស៊ូទៅកាន់ទីផ្សារអន្តរជាតិ បានជិត២១ម៉ឺនតោន គិតជាទឹកប្រាក់មានចំនួន៣៤៥លានដុល្លារ កើនឡើងជិត១៣% គិតជាបរិមាណ និងកើនឡើង១២% គិតជាទឹកប្រាក់ បើធៀបនឹងខែកក្កដា។

ជ័រកៅស៊ូរបស់វៀតណាម លក់បានជាមធ្យមក្នុងតម្លៃ១,៦៣៧ដុល្លារ ក្នុង១តោន ធ្លាក់ចុះជាង១% បើធៀបពីមួយខែទៅមួយខែក្នុងឆ្នាំនេះ ប៉ុន្តែមានការកើនឡើងជិត២៧% បើធៀបនឹងរយៈពេលដូចគ្នាកាលពីឆ្នាំមុន។ ការនាំចេញជ័រកៅស៊ូរបស់វៀតណាម ត្រូវបានគេព្យាករថា នឹងកើនឡើងដល់ចន្លោះពី៣ទៅ៣,៥ពាន់លានដុល្លារ នៅឆ្នាំនេះ ពោលគឺកើនឡើងចន្លោះពី២០០ ទៅ៤០០លានដុល្លារ បើធៀបនឹងឆ្នាំ២០២៣៕

អត្ថបទ៖ សុខ មង្គល