Advertisement
វៀតណាមនឹងសង្គ្រាមពាណិជ្ជកម្ម

វៀតណាម រងផលប៉ះពាល់តិចតួចបំផុត ពីសង្គ្រាមពាណិជ្ជកម្ម អាមេរិក-ចិន


សង្គ្រាមពាណិជ្ជកម្មរវាងមហាអំណាចសេដ្ឋកិច្ចពិភពលោកទាំងពីរ គឺ អាមេរិក និងចិន មិនទាន់បានបិទបញ្ចប់ទៅតាមការគ្រោងទុកនោះទេ ផ្ទុយទៅវិញបែរជា កាន់តែពុះកញ្រ្ជោលឡើង ទាំងការបន្ថែមពន្ធទៅលើ ទំនិញ នាំចេញ-នាំចូលរវាងប្រទេសទាំងពីរ ព្រមទាំងមាន ការបិទផ្លូវអាជីវកម្មរបស់ ក្រុមហ៊ុនឯកជន ថែមទៀតផង។ អ្នកវិភាគជាច្រើន បានអះអាងថា ប្រទេសវៀតណាម រងផលប៉ះពាល់តិចតួចបំផុត ពី សង្គ្រាមពាណិជ្ជនេះ ហើយអាចនឹងចំណេញពី ការវិនិយោគរបស់ក្រុមហ៊ុនឯកជន ដែលប្តូរទីតាំងមក ប្រទេសវៀតណាម ដើម្បីគេចវេះ ពីការតម្លើងពន្ធនោះ។
វៀតណាម កំពុងក្លាយជាមូលដ្ឋានផលិតរបស់ចិន ដើម្បីនាំចេញទៅអាមេរិក (http://tapchitaichinh.vn)
ដោយ
Advertisement

របាយការណ៍​មួយពី ក្រុមហ៊ុនមូលបត្រ MB Securities បានបង្ហាញ​ឲ្យដឹងថា ប្រទេសវៀតណាម ទទួល​ឥទ្ធិពលអវិជ្ជមាន​តិចជាងគេ ក្នុងចំណោម​បណ្តាប្រទេស​ក្នុងតំបន់​អាស៊ាន​ ដោយសារតែ ការ​ផ្គត់ផ្គង់វត្ថុធាតុ​ដើមរបស់​វៀតណាម សម្រាប់​ប្រទេសចិន នាំចេញទៅ​អាមេរិក ដែលទទួល​រងការដាក់​គំនាប​ពន្ធពី អាមេរិកនោះ គឺមានត្រឹមតែ ២ភាគរយ​ប៉ុណ្ណោះ នៃការនាំចេញ​សរុបរបស់​វៀតណាម។

ងាកទៅមើល ការផ្គង់ផ្គង់​ទំនិញរបស់​ប្រទេស​ហ្វីលីពីន ម៉ាឡេស៊ី និងឥណ្ឌូនេស៊ី សម្រាប់​ប្រទេស​ចិន នាំចេញទៅ អាមេរិក មានផល​ប៉ះពាល់ខ្លាំង ដោយសារតែ ទំនិញនោះ លើសពី ១១ភាគរយ នៃការនាំ​ចេញសរុប​របស់​ប្រទេស​ទំាង ៣ទៅទៀត។

របាយការណ៍​ក្រុមហ៊ុន​មូលបត្រ MB Securities  ដដែល បាន​បញ្ជាក់ដែរថា សង្គ្រាម​ពាណិជ្ជកម្ម អាចនឹងធ្វើ​ឲ្យ កំណើនសេដ្ឋកិច្ច​អាមេរិក និងចិន ថយចុះ ជាហេតុនាំ​ឲ្យ ប៉ះពាល់ដល់ វៀតណាម ដែរ ព្រោះតម្រូវការ​ផលិតផល​វៀតណាម នៅលើទីផ្សារ​អាមេរិក​ ចិន ក៏ថយចុះដូចគ្នា។

ក្នុងឆ្នាំ ២០១៨ ប្រទេស​វៀតណាម នាំចេញ​ទំនិញ​តម្លៃជាង ៩០ពាន់លាន​ដុល្លារអាមេរិក ទៅកាន់​ប្រទេស​អាមេរិក និង ចិន ដែល​ស្មើនឹង ៣៧ភាគរយ​នៃការនាំចេញ​សរុបរបស់​វៀតណាម។

យ៉ាងណាមិញ វៀតណាម អាចប្រឈម​នឹងមុខ​នឹងបញ្ហា ព្រោះទំនិញ​វៀតណាម​ដែលនាំចេញ​ទៅអាមេរិក ភាគច្រើន​ប្រើវត្ថុធាតុដើម​ពី ចិន ហើយនេះ​ជាឱកាស ដែលអាមេរិក អាចតម្លើង​ពន្ធលើ ផលិតផល​វៀតណាម ដើម្បីដាក់​សម្ពាធ​ទៅលើ ចិន ផងដែរ។

ទោះបីជាយ៉ាងណាក៏ដោយ សង្គ្រាម​ពាណិជ្ជកម្មនេះ បានបើក​ឱកាសឲ្យ វៀតណាម ក្លាយជា ប្រទេស​នាំចេញ ជំនួសចិន បានមួយ​ផ្នែកធំ ហើយបាន​បើកចំហរទីផ្សារ និងចុះកិច្ច​ព្រមព្រៀង​ពាណិជ្ជកម្ម​សេរី ថែមទៀតផង ដែលធ្វើឲ្យ វៀតណាម ក្លាយជាគោលដៅ​ដ៏ល្អ សម្រាប់ក្រុម​ហ៊ុន​ឧស្សាហកម្ម​ផលិត និងនាំចេញ។

របាយការណ៍ខាងលើ ក៏បានបញ្ជាក់​ទៀតថា ប្រទេសវៀតណាម ក៏បានផលិត​ទំនិញជាច្រើន ដូចទៅ​នឹងទំនិញ ដែលប្រទេសចិន បាននាំចេញ ដូចជា កុំព្យូទ័រ ទូរស័ព្ទ សម្លៀកបំពាក់ និងវាយនភណ្ឌ។

បើសិនជា វៀតណាម អាចចាប់យក​ឱកាសពី សង្គ្រាមពាណិជ្ជកម្ម បានល្អ វៀតណាមអាចនឹង​ក្លាយទៅជា រោងចក្រពិភពលោក ដោយសារតែ​ផលប៉ះពាល់ពី​សង្គ្រាមនេះ គឺមានរយៈពេល​ខ្លី រីឯផល​ប្រយោជន៍ពី ក្រុមហ៊ុន​ឧស្សាហកម្ម​ផលិត ដែលបានចូលមក​វៀតណាម​វិញ គឺមានរយៈពេល​វែង៕

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ប្រទេសណាខ្លះជាប់ចំណាត់ថ្នាក់ខ្ពស់ ក្នុងការវិនិយោគវិស័យសំណង់នៅកម្ពុជា?

ព័ត៌មាន
គិតចាប់ពីឆ្នាំ ២០០០ រហូតមកដល់ត្រីមាសទី១ ឆ្នាំ២០១៩នេះ មានប្រទេសចំនួន ២១ ដែលបានបោះទុនវិនិយោគនៅក្នុងវិស័យសំណង់នៅកម្ពុជា ក្នុងចំណោមន...

ប្រទេសអ្នកផលិតប្រេងពិភពលោក នឹងកាត់បន្ថយផលិតកម្មប្រេងឆៅ

ព័ត៌មាន
ក្រោយពេលដែល តម្លៃប្រេងឆៅលើទីផ្សារពិភពលោក នៅតែបន្តធ្លាក់ចុះ ដោយសារតែការផ្គត់ផ្គង់លើសតម្រូវការ រីឯតម្រូវការប្រើប្រាស់ កាន់តែថមថយចុះ ផលិត...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ