អតិរេកពាណិជ្ជកម្មនៅ៧ខែ ឆ្នាំ២០១៩ របស់វៀតណាមនេះ គឺត្រូវបានជំរុញដោយចំណូលនៃការនាំចេញក្នុងស្រុក ដែលបានកើនឡើង១២ភាគរយ ជាមួយនឹងទំហំទឹកប្រាក់សរុប ៤៤ ពាន់លានដុល្លារអាមេរិក ស្មើនឹងប្រមាណ ៣០ % នៃការនាំចេញសរុប និងមានកំណើនខ្ពស់ជាងអត្រាកំណើនជាង ៥ភាគរយនៃការវិនិយោគបរទេស ដែលមានតម្លៃជាទឹកប្រាក់ប្រមាណ ១០០ពាន់លានដុល្លារអាមេរិក។
ទោះបីជាវៀតណាមមានការជំរុញដល់ការនាំចេញក៏ពិតមែនប៉ុន្ដែ វិស័យក្នុងស្រុកនៅតែជួបនឹងឱនភាពពាណិជ្ជកម្មប្រមាណជិត ១៧ពាន់លានដុល្លារអាមេរិក ខណៈដែលការវិនិយោគបរទេសមានអតិរេកពាណិជ្ជកម្មប្រមាណជាង ១៨ពាន់លានដុល្លារអាមេរិក។
អត្ថបទទាក់ទង!
ផលិតផលនាំចេញសំខាន់ៗរបស់វៀតណាមមានដូចជា ផលិតផលកសិកម្ម វាយនភណ្ឌសម្លៀកបំពាក់ និងស្បែកជើង គ្រឿងអេឡិចត្រូនិក និងផលិតផលជាច្រើនមុខផ្សេងទៀត។
បើតាមការិយាល័យស្ថិតិរបស់វៀតណាម សហរដ្ឋអាមេរិក ត្រូវបានដឹងថា គឺជាអ្នកនាំចូលផលិតផលរបស់វៀតណាមធំជាងគេបង្អស់ ដោយ៧ខែមកនេះ អាមេរិកនាំចូលទំនិញពីវៀតណាមមានប្រមាណជាង ៣២ពាន់លានដុល្លារអាមេរិក កើនឡើង២៥% ធៀបនឹងរយៈពេលដូចគ្នាកាលពីឆ្នាំមុន។ បន្ទាប់មក គឺសហភាពអឺរ៉ុប និងប្រទេសចិន គឺឈនៅលំដាប់ទី២ និងទី៣ ដោយសហភាពអឺរ៉ុបនាំចូលទំនីញពីវៀតណាម ជាង២៤ពាន់លានដុល្លារ និងចិននាំចូលទំនិញពីវៀតណាម២០ពាន់លានដុល្លារអាមេរិក។
បើនិយាយពីប្រទេសនាំចូលទៅវៀតណាមវិញ ឃើញថា ចិននៅតែជាអ្នកនាំចូលធំជាងគេបង្អស់ទៅកាន់ទីផ្សារវៀតណាម ដោយរយៈពេល៧ ខែដូចគ្នានេះ ចិននាំចូលទៅវៀតណាមមានជាង ៤២ពាន់លានដុល្លារ កើនឡើង១៧% ពោលគឺវៀតណាមមានឱនភាពពាណិជ្ជកម្មជាមួយចិនប្រមាណ២២ ពាន់លានដុល្លារអាមេរិក។ ហើយអ្នកជំនាញសេដ្ឋកិច្ចរបស់វៀតណាមជាច្រើន ក៏មានការព្រួយបារម្ភណាស់ដែរ ចំពោះឱនភាពពាណិជ្ជកម្ម ជាមួយនឹងប្រទេសជិតខាងរបស់ខ្លួនមួយនេះ។ បន្ទាប់ពីនេះ គឺប្រទេសកូរ៉េខាងត្បូង គឺជាអ្នកនាំចូលទៅវៀតណាមធំទី២ ដោយមានទំហំជាទឹកប្រាក់ប្រមាណជាង២៦ពាន់លានដុល្លារ ធ្លាក់ចុះ១% ខណៈដែលប្រទេសក្នុងតំបន់អាស៊ានវិញមានការនាំចូលទៅវៀតណាម ជិត១៩ ពាន់លានដុល្លារ កើនឡើង៥%៕
None
