គម្រោងដែលធនាគារពិភពលោកអនុម័តសម្រាប់ប្រទេសហ្វីលីពីននោះ ទី១ គឺមានទឹកប្រាក់៦០០លានដុល្លារ សម្រាប់ការលើកកម្ពស់សមត្ថភាពប្រកួតប្រជែង និងបង្កើននូវភាពធន់ទៅនឹងឥណទានគោលនយោបាយអភិវឌ្ឍន៍គ្រោះមហន្ដរាយធម្មជាតិ ដែលនឹងគាំទ្រកំណែទម្រង់ ដើម្បីកែលម្អហេដ្ឋារចនាសម្ព័ន្ធឌីជីថល។
គម្រោងទី២ គឺមានតម្លៃជាទឹកប្រាក់៣០០ លានដុល្លារ សម្រាប់ប្រើប្រាស់ទាក់ទងទៅនឹងសេវាកម្មមូលដ្ឋានសង្គមដូចជា ផ្នែកការងារទាក់ទងការដាក់ឲ្យនៅដាច់ដោយឡែកសម្រាប់អ្នកជាប់ពាក់ព័ន្ធនឹងការឆ្លងកូវីដ-១៩, ការធ្វើឲ្យប្រសើរឡើងនូវទឹកស្អាត និងអនាម័យ និងការសាងសង់ស្ថានីយ៍សុខាភិបាលជាដើម។
អត្ថបទទាក់ទង!
សម្ព័ន្ធធនាគារពិភពលោក កំពុងបម្រុងប្រាក់ទុកប្រមាណ ១៦០ ពាន់លានដុល្លារ ក្នុងរយៈពេល ១៥ខែ ដោយនឹងបញ្ចប់ត្រឹមខែមថុនា ឆ្នាំ២០២១ ដើម្បីត្រៀមជួយដល់ប្រទេសជាង១០០ ក្នុងការការពារជនក្រីក្រ និងងាយរងគ្រោះ, គាំទ្រដល់អាជីវកម្ម និងជំរុញការស្ដារសេដ្ឋកិច្ចឡើងវិញ។ ក្នុងនោះ រួមាន១២ពាន់លានដុល្លារ សម្រាប់ផ្ដល់ជូនប្រទេសកំពុងអភិវឌ្ឍន៍ ដើម្បីអាចមានលទ្ធភាពក្នុងការទិញ និងចែកចាយវ៉ាក់សាំងកូវីដ-១៩។
ធនាគារពិភពលោក ក៏រំពឹងថា ប្រទេសហ្វីលីពីន ដែលមុនពេលដែលមានមេរោគរាតត្បាត គឺជាប្រទេសមានកំណើនសេដ្ឋកិច្ចលូតលាស់លឿនជាងគេបំផុតនោះ នៅអាស៊ីនោះ នឹងមានសេដ្ឋកិច្ចដាំក្បាលចុះដល់ទៅ ៨,១% នៅក្នុងឆ្នាំ២០២០នេះ ដោយសារតែមានការបិទប្រទេស នៅអំឡុងពេលមានការឆ្លងកូវីដ-១៩ និងការរងគ្រោះដោយព្យុះទីហ្វុង៕
None
