​ ខេមបូណូមីស

រោងចក្រផលិតសំបកកង់យានយន្តរបស់ក្រុមហ៊ុន Newbustar Tier តម្លៃ១៤០លានដុល្លារស្ថិតនៅក្នុងតំបន់សេដ្ឋកិច្ចពិសេស យូ ប៊ី ម៉ី ស្នួល ខេត្តក្រចេះ ត្រូវបានសម្ពោធដាក់ឱ្យដំណើរការនៅថ្ងៃទី៦ ខែកញ្ញា ឆ្នាំ២០២៤។ បច្ចុប្បន្នកម្ពុជាមានតំបន់សេដ្ឋកិច្ចពិសេសដែលកំពុងដំណើរការមានចំនួន២៦តំបន់ ដោយបានស្រូបយកគម្រោងវិនិយោគប្រមាណ៧៧៥គម្រោង ក្នុងទំហំទុនវិនិយោគប្រមាណ១០ពាន់លានដុល្លារអាម៉េរិក និងបានផ្តល់ការងារជូនបងប្អូនកម្មករនិយោជិតប្រមាណ១៨ម៉ឺនកន្លែង។ នេះបើយោងតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា។