សឿន វណ្ណឌេត

ការឆ្លងរាលដាលនៃជំងឺកូវីដ-១៩ នៅកម្ពុជាមិនទាន់ស្រាកស្រាន្តនៅឡើយទេ ដោយចំនួនអ្នកឆ្លងនៅតែរក្សាលេខបីខ្ទង់ក្នុងរយៈពេលប៉ុន្មានសប្តាហ៍ចុងក្រោយនេះ ដែលបានធ្វើឲ្យចំនួនអ្នកឆ្លងកូវីដ-១៩ នៅកម្ពុជាសរុបបានកើនឡើងជិតដល់ជិត ២ម៉ឺននាក់ហើយ គិតត្រឹមថ្ងៃទី ៩ ឧសភា ឆ្នាំ២០២១ម្សិលមិញ ខណៈអ្នកស្លាប់ដោយសារជំងឺនេះបានឡើងដល់ជាង១០០នាក់ហើយ។ ដោយឡែក បើមើលទៅលើចំនួនអ្នកចាក់វ៉ាក់សាំងរួចមានចំនួនជាង១,៧លាននាក់ ដែលបាន​ចាក់ដូសទី១ គឺស្មើនឹងជាង១០ភាគរយនៃចំនួនប្រជាជនសរុប ខណៈដែល​អ្នកចាក់បាន២ដូសមានជាង​១លាន២សែននាក់។ នេះបើតាមតួលេខពីក្រសួងសុខាភិបាល។