វិភាគសេដ្ឋកិច្ច

បណ្ដាប្រទេសក្រីក្របំផុតក្នុងពិភពលោកនឹងត្រូវបង់សងប្រាក់បំណុលឱ្យប្រទេសចិនក្នុងចំនួនសរុបជិត ១៤ ពាន់លានដុល្លារអាមេរិកក្នុងឆ្នាំ២០២២នេះ។ នេះបើយោងតាមរបាយការណ៍ នៃការស្រាវជ្រាវថ្មីមួយ ហើយដែលត្រូវបានចុះផ្សាយដោយសារព័ត៌មាន Bloomberg។ ប្រការនេះបានជំរុញឱ្យទីក្រុងប៉េកាំងត្រូវធ្វើការបន្ថែមទៀត ដើម្បីគាំទ្រ និងជ្រោមជ្រែង ការរៀបចំរចនាសម្ព័ន្ធបំណុលឡើងវិញ សម្រាប់ប្រទេសក្រីក្រ ដែលត្រូវការជាចាំបាច់ ស្របពេលដែលពួកគេមិនទាន់មានលទ្ធភាពសងបាន។