តើ​អ្នក​ដឹងទេ?

សហរដ្ឋអាមេរិកបើកច្រកព្រំដែនគោក និងផ្លូវអាកាសឡើងវិញហើយនៅថ្ងៃចន្ទ សប្ដាហ៍នេះ ដើម្បីទទួលអ្នកដំណើរអន្តរជាតិដែលបានចាក់វ៉ាក់សាំងរួចរាល់ ។ អាមេរិកកំពុងរំពឹងថា នឹងទទួលបានភ្ញៀវអន្តរជាតិ ដែលឆ្លងកាត់ព្រំដែនរបស់ខ្លួនកាន់តែច្រើនឡើង បន្ទាប់ពីបានលុបចោលវិធានការធ្វើដំណើរសម្រាប់ប្រជាជនមកពីប្រទេសជាច្រើននៅជុំវិញពិភពលោក។ យ៉ាងណាមិញ អ្នកដំណើរត្រូវធ្វើតេស្តអវិជ្ជមានក្នុងរយៈពេលបីថ្ងៃមុនពេលធ្វើដំណើរ ព្រមទាំងស្ថិតនៅក្រោមប្រព័ន្ធតាមដានទំនាក់ទំនងរបស់ក្រុមហ៊ុនអាកាសចរណ៍ផងដែរ។ នេះបើយោងតាមការចុះផ្សាយដោយសារព័ត៌មានរ៉យទ័រ។