Latest

ស្របពេលតម្លៃមាសកំពុងហក់ឡើងខ្ពស់ ករណីប្លន់ហាងលក់មាសនៅក្នុងប្រទេសថៃ មានការកើនឡើងគួរឱ្យព្រួយបារម្ភ។ ប៉ូលិសក្រុងបាងកក បានព្រមានចំៗទៅកាន់ហាងលក់មាសប្រមាណ១០០ទីតាំងក្នុងចំណោម១,០០០ទីតាំងនៅក្នុងទីក្រុងបាងកក ដែលស្ថិតនៅតំបន់មានហានិភ័យខ្ពស់ឱ្យបង្កើនការប្រុងប្រយ័ត្ន និងពង្រឹងការពារសន្តិសុខ ដើម្បីការពារអាយុជីវិត និងទ្រព្យសម្បត្តិរបស់ប្រជាជន និងអ្នកទេសចរ ក្រោយមានករណីប្លន់ធ្វើឱ្យបាត់លុយ និងមាសប្រមាណ៤៧លានដុល្លារអាម៉េរិក។ នេះបើយោងតាមការចុះផ្សាយរបស់កាសែតបាងកក ប៉ុស្តិ៍ នៅថ្ងៃទី៤ ខែកុម្ភៈ ឆ្នាំ២០២៦។