បើតាមប្រភពព័ត៌មានដដែលនេះ បានឲ្យដឹងទៀតថា នៅរយៈពេល២ឆ្នាំដំបូងក្នុងភាពជាដៃគូ ក្រុមហ៊ុនបណ្ដាក់ទុន 500 Startups នឹងប្រមូលផ្ដុំរួមគ្នានូវស្ថាបនិកបង្កើតក្រុមហ៊ុនថ្មីៗទាំងអស់នៅទូទាំងប្រទេស ដើម្បីបង្កើតជាក្រុមការងារ និងក្រុមហ៊ុនបច្ចេកវិទ្យា។ គម្រោងនេះ នឹងជួយដល់អាជីវកម្មថ្មីៗនៅកម្ពុជា ដើម្បីចូលរួមក្នុងទីផ្សារ និងជាមួយវិនិយោគិនអន្តរជាតិ ក៏ដូចជា ភ្ជាប់ពួកគេជាមួយនឹងឧស្សាហកម្មពាក់ព័ន្ធ និងដៃគូសាជីវកម្មជាដើម។
ឯកឧត្តម វង្សី វិស្សុត រដ្ឋលេខាធិការប្រចាំការនៃក្រសួងសេដ្ឋកិច្ច និងហិរញ្ញវត្ថុ បានលើកឡើងនៅក្នុងសារព័ត៌មាន Tech Asia យ៉ាងដូច្នេះថា «នេះគឺជាផែនការអនុវត្តន៍មួយ របស់រាជរដ្ឋាភិបាលកម្ពុជា ដូចដែលមាននៅក្នុងយុទ្ធសាស្ត្រចតុកោណដំណាក់កាលទី ៤ ដើម្បីពន្លឿន បរិយាកាសល្អ សម្រាប់សហគ្រាសធុនតូច និងមធ្យម និងការបង្កើតអាជីវកម្មថ្មីៗ ដើម្បីមានភាពប្រកួតប្រជែងកាន់តែខ្លាំង នៅពេលដែលឈានទៅរកសេដ្ឋកិច្ចឌីជីថល»។
អត្ថបទទាក់ទង!
ឯកឧត្តម បានគូសបញ្ជាក់ទៀតថា «វាគឺជាពេលវេលាដើម្បីចាប់ផ្ដើមបង្កើតនៅក្នុងស្រុក រួចពង្រីកខ្លួនទៅក្នុងតំបន់ និងចូលរួមជាមួយសកលោក»។
បើទោះបីជា កំពុងស្ថិតនៅក្នុងស្ថានការណ៍មេរោគរាតត្បាតកូវីដ-១៩ យ៉ាងណាក្ដី ប៉ុន្ដែ ក្រុមហ៊ុន 500 Startups និងស្ថាប័ន Khmer Enterprise ជឿជាក់ថា ពេលវេលាបច្ចុប្បន្ននេះ គឺបានផ្ដល់នូវឱកាសដ៏សំខាន់ ដើម្បីវិនិយោគជាមួយនឹងស្ថាបនិកអាជីវកម្មបង្កើតថ្មីៗ នៅក្នុងជំនាន់ក្រោយនេះ៕
None
