កម្មវិធីទូរសព្ទដៃ អេស៊ីលីដា ម៉ូបាល ឬដែលគេស្គាល់ទូទៅជា អេស៊ីលីដា យូនីធីទាន់ចិត្ត បានធ្វើការអភិវឌ្ឍថ្មី មានរូបសញ្ញាបក្សីសួគ៌ជាសម្គាល់ មានពណ៌ថ្មីដែលមើលទៅស្រទន់ត្រជាក់ភ្នែក និងរំលេចដោយប៊ូតុងប្រតិបត្តិការច្បាស់ៗ ចុចមិនច្រឡំ និងកាន់តែងាយស្រួលប្រើថែមទៀត ។
លោកស្រី សុខ សោភា នាយិកាប្រតិបត្តិផ្នែកទីផ្សារ នៃធនាគារ អេស៊ីលីដា មានប្រសាសន៍ថា រយៈពេលជាង២៩ឆ្នាំហើយ ដែលធនាគារ អេស៊ីលីដា បម្រើសេវាកម្មជូនអតិថិជនប្រកបដោយភាពទទួលខុសត្រូវ និងថា ធនាគារមួយនេះតែងស្តាប់អតិថិជនខ្លួន ហើយឆ្លើយតបនឹងសេចក្តីត្រូវការរបស់ពួកគេបានយ៉ាងឆាប់រហ័ស ។
ការអភិវឌ្ឍថ្មីនៃ អេស៊ីលីដា ម៉ូបាល
អត្ថបទទាក់ទង
លោកស្រីនាយិកាប្រតិបត្តិ ផ្នែកទីផ្សារ បានបន្ថែមថា ៖ "ធនាគារ អេស៊ីលីដា បានអភិវឌ្ឍនូវរូបរាងថ្មី អេស៊ីលីដាម៉ូបាល ស្របតាមការវិវឌ្ឍរបស់ខ្លួន ដែលជាធនាគារឌីជីថលឈានមុខគេនៅក្នុងព្រះរាជាណាចក្រកម្ពុជា ។ អតិថិជនអាចប្រើអេស៊ីលីដាម៉ូបាលនេះ ដោយមិនគិតថ្លៃសេវាប្រចាំខែ ដកប្រាក់តាមម៉ាស៊ីនអេធីអឹម និងផ្ទេរប្រាក់ទូទាំងប្រទេសដោយមិនអស់ថ្លៃសេវាថែមទៀត ។ មិនត្រឹមតែប៉ុណ្ណោះថែមទាំងអាចផ្ទេរប្រាក់ ឬដាក់ប្រាក់ចូលគណនី វ៉លឡេត បានរហូតដល់ ៤០លានរៀល ឬ ១០០០០ដុល្លារ ។"
លោកស្រីនាយិកា បានបញ្ជាក់ថា ធនាគារ អេស៊ីលីដា បន្តដំណើរទៅមុខឥតឈប់ឈរ ដោយប្តេជ្ញារួមគ្នាជាមួយអតិថិជនរបស់ខ្លួន ក្នុងការអភិវឌ្ឍប្រទេស និងកសាងធនាគារកម្ពុជាមួយនេះ មិនត្រឹមតែជាធនាគារថ្នាក់តំបន់ប៉ុណោ្ណះទេ តែក៏ជាធនាគារលំដាប់ថ្នាក់ពិភពលោក ដែលមានភាពរឹងមាំ និងវឌ្ឍនភាពប្រកបដោយចីរភាព ។
លោកស្រី សុខ សោភា នាយិកាប្រតិបត្តិផ្នែកទីផ្សារ បានថ្លែងបន្ថែមយ៉ាងដូច្នេះថា ៖ "ធនាគារ អេស៊ីលីដា តែងគិតពីអតិថិជន ហើយចង់ឲ្យអតិថិជនទទួលជោគជ័យលើមុខជំនួញ ។ ធនាគារខ្មែរមួយនេះតែងប្រកាន់ខ្ជាប់នូវទស្សនៈ អតិថិជនរីកចម្រើន ធនាគាររីកចម្រើន យើងរីកដុះដាល លូតលាស់ ជាមួយគ្នា ។"
គួរបញ្ជាក់ថា អេស៊ីលីដា ម៉ូបាល មានសេវាសម្រាប់អតិថិជនធ្វើប្រតិបតិ្តការសម្បូរបែប ហួសពីការបង់ថ្លៃទឹក-ភ្លើង ការផ្ទេរប្រាក់ ការបញ្ចូលប្រាក់ក្នុងទូរសព្ទដៃ ហើយជាពិសេស ការធ្វើប្រតិបតិ្តការសេវានីមួយៗ មិនលំបាកស្មុគស្មាញ ពោលគឺ ងាយស្រួល ងាយយល់ ហើយលឿន ។ អ្វីដែលកាន់តែពិសេសជាងនេះទៀត ពីដើមខែមករា ឆ្នាំ២០២១នេះតទៅ ការប្រើប្រាស់ អេស៊ីលីដា ម៉ូបាល គឺអតិថិជនមិនបង់ថ្លៃសេវាទៀតទេ ពោលគឺប្រើដោយឥតគិតថ្លៃ ។ ម្យ៉ាងវិញទៀត អេស៊ីលីដា ម៉ូបាល ក៏អាចប្រើប្រាស់សម្រាប់ការទូទាត់ នៅក្នុងប្រទេសថៃ បានផងដែរ ៕
