លោក ចូបៃឌិន ជួបប្រជុំជាមួយកំពូលក្រុមហ៊ុនយក្សៗរបស់អាមេរិកពិភាក្សារឿងកញ្ចប់ថវិកាជំរុញសេដ្ឋកិច្ចជិត ២ទ្រីលានដុល្លារ

នៅក្នុង​ចំណោម​នាយក​ប្រតិបត្តិ​ក្រុមហ៊ុន ដែល​លោកបៃឌិន​ និង​លោកស្រី Janet Yellen រដ្ឋមន្ត្រី​ក្រសួងហិរញ្ញវត្ថុអាមេរិក បានជួបនោះ ​មានដូចជា មេធំ​របស់ ក្រុមហ៊ុន JPMorgan, ក្រុមហ៊ុន Walmart, ក្រុមហ៊ុន Gap, ក្រុមហ៊ុន​ Lowe និង​ក្រុមហ៊ុន Tom Donhue នៃសភាពាណិជ្ជកម្ម​អាមេរិក​ជាដើម។

ក្នុងជំនួបនោះ លោក បៃឌិន បាន​បញ្ជាក់ពី​ការប្ដេជ្ញាចិត្ត​​​ធ្វើការ ដោយ​មាន​គាំទ្រ​ពីភាគពាក់ព័ន្ធ ហើយលោក​បាន​បញ្ជាក់ថា លោកនឹង​មិន​ជំរុញ​គម្រោង​កញ្ចប់ថវិកា​ជំរុញ​សេដ្ឋកិច្ចនោះទេ បើគ្មានការគាំទ្រ​ភាគច្រើន ពីវិស័យរដ្ឋ និងឯកជននោះ។ ក្រុមតំណាង​ក្រុមហ៊ុន​គ្រាក់ៗ របស់​អាមេរិកខ្លះបាន​លើកឡើងថា ការលក់​របស់ពួកគេ​មានការប៉ះពាល់ខ្លាំង នៅពេលកូវីដ-១៩។ អ្នកខ្លះទៀត បាននិយាយថា បើសិន​រដ្ឋាភិបាល​អាចជួយ​ធ្វើឲ្យ​ប្រាក់ឈ្នួល​កើនឡើង គឺជារឿងល្អ​សម្រាប់​ពលរដ្ឋអាមេរិក ខណៈដែល​បញ្ហា​ជំរុញ​ឲ្យមាន​អត្រា​មានការងារឡើងវិញ​​ក៏ជារឿង​សំខាន់ដែរ ក្នុងការស្ដារកំណើន​សេដ្ឋកិច្ច​ឡើងវិញ។

លោកស្រី Yellen រដ្ឋមន្ត្រីក្រសួងហិរញ្ញវត្ថុអាមរិក បាន​លើកឡើងផងដែរ បើគ្មាន​កញ្ចប់ថវិកាជំរុញសេដ្ឋកិច្ច​ទេ ទីផ្សារការងារ​នៅអាមេរិក អាចនឹង​ត្រូវចំណាយពេល​រាប់ឆ្នាំទៀត ដើម្បី​ស្ទុះងើបមកប្រសើរឡើងវិញ៕