Advertisement
គំនិត​អាជីវកម្ម

ឧកញ៉ា គួច ម៉េងលី៖ វិនិយោគ​លើ​ចំណេះដឹង ប្រសើរ​ជាង​វិនិយោគ​លើ​លុយ


ឧកញ៉ា​វេជ្ជបណ្ឌិត គួច ម៉េងលី ដែល​ជា​អ្នក​ជំនួញ​​ល្បី​ល្បាញ​មួយ​រូប នៅ​ក្នុង​វិស័យ​អប់រំ​នៅ​កម្ពុជា បាន​បោះ​ពុម្ព​ផ្សាយ​សៀវភៅថ្មី​​មួយ​ក្បាល​ទៀត​ហើយ ដែល​​មាន​ចំណង​ជើង​ថា គំនិត​រក​ស៊ី គួច ម៉េងលី ឬ Mengly J. Quach’s Business Ideas។
លោក​ឧកញ៉ាវេជ្ជបណ្ឌិត គួច ម៉េងលី ប្រធាន​ក្រុមប្រឹក្សាភិបាល​ក្រុមហ៊ុន MJQ Education។ រូបភាព៖ ហេង ភារម្យ
ដោយ
Advertisement

លោកឧកញ៉ា​ថា សៀវភៅ​ថ្មី​នេះ គឺ​ដើម្បី​ផ្ដល់​ជា​ជំនួយ​ស្មារតី​សម្រាប់​អ្នកអាន ជាពិសេស សម្រាប់​អ្នក​ដែល​មាន​គំនិត​ចង់​បើក​មុខ​ជំនួញ​ផ្ទាល់​ខ្លួន។

នៅក្នុង​សៀវភៅ​ដែល​មាន​កម្រាស​ ៣៤៦​ទំព័រ ប្រមូល​ផ្តុំ​ទៅ​ដោយ​គំនិត​និង​យោបល់​ល្អៗ​ជាច្រើន ដោយ​ប្រធាន​ក្រុមប្រឹក្សាភិបាល​នៃ​ក្រុមហ៊ុន MJQ Education រូប​នេះ បាន​លើក​ឡើង​ពី​គំនិត​ល្អ​ចំនួន​៤៣ ចំណុច មក​រៀបរាប់​នៅ​ក្នុង​សៀវភៅ​នេះ ដើម្បី​ចែក​រំលែក​នូវ​បទ​ពិសោធន៍​ដែល​លោក​បាន​ជួបប្រទះ មុន​នឹង​ជំនួញ​របស់​លោក​ឧកញ៉ា​ជោគជ័យ​មក​ដល់​សព្វ​ថ្ងៃ​នេះ។

ថ្លែង​នៅ​ក្នុង​កម្មវិធី​សន្និសីទ​សារព័ត៌មាន​ស្តីពី​ការ​ប្រកាស​ផ្សព្វផ្សាយ​សៀវភៅ​នេះ​ដែរ លោកឧកញ៉ា គួច ម៉េងលី បាន​បន្ថែម​ថា ការរកស៊ី​មិន​ត្រូវ​ធ្វើ​ឡើង​ដោយ​ប្រថុយ​ប្រថាន​នោះ​ទេ ហើយ​ការវិនិយោគ​លើ​ចំណេះដឹង គឺ​ប្រសើរ​ជាង​វិនិយោគ​លើ​លុយ។

ចំពោះ​ការ​លើកឡើង​បែប​នេះ ឧកញ៉ា​វេជ្ជបណ្ឌិត​ចង់​បញ្ជាក់​ថា បើ​យើង​មាន​ចំណេះដឹង​ជ្រៅជ្រះ មាន​ការ​សិក្សា​ច្រើន មាន​គំនិត​ពិចារណា​វែង​ឆ្ងាយ ស្វែងយល់​គំនិត​ល្អៗ​ពី​អ្នក​នៅ​ជុំវិញ​ខ្លួន នៅ​ពេល​ដែល​យើង​បើក​អាជីវកម្ម ឬ​ជំនួញ​ផ្ទាល់ នោះ​ហានិភ័យ​នឹង​មាន​តិចតួច​បំផុត។ ប៉ុន្តែ បើ​យើង​ប្រើ​លុយ​តែ​មួយ​មុខ ដោយ​មិន​ប្រើ​គំនិត ឬ​ចំណេះដឹង នោះ​ភាព​បរាជ័យ​នៃ​ការ​ធ្វើ​ជំនួញ​នឹង​មាន​ខ្ពស់។ 

លោក​ឧកញ៉ា​បន្ត​​ថា សេដ្ឋី ឬ​អ្នក​មាន​ដែល​មិន​ចេះ​អក្សរ មាន​ដោយ​ចៃដន្យ មាន​ដោយ​ភ័ព្វ​សំណាង មាន​តែ​មួយ​១​ភាគ​ប៉ុណ្ណោះ នៅ​លើ​លោក​នេះ។

ចំពោះ​សៀវភៅ គំនិតរ​ក​ស៊ី គួច ម៉េងលី ឬ Mengly J. Quach’s Business Ideas នេះ គឺ​ជា​ស្នាដៃ​ទី​៦​ហើយ ដែល​ឧកញ៉ា​បាន​បោះ​ពុម្ព​ផ្សាយ ដោយ​ពេល​នេះ ក្រៅពី​បាន​បោះពុម្ព​ផ្សព្វផ្សាយ​ដាក់​លក់​នៅតាម​បណ្ណាគារ​ល្បីៗ​ក្នុង​ប្រទេស​កម្ពុជា​ហើយ ស្នាដៃ​សៀវភៅ​របស់​ឧកញ៉ា ក៏​ត្រូវ​បាន​ការ​អនុញ្ញាត​ឲ្យ​ដាក់​លក់​នៅ​លើ​វ៉ិបសាយ​អន្តរជាតិ​មួយ​ផងដែរ ដើម្បី​ចែក​រំលែក​នូវ​គំនិត​ល្អ​ទាំង​អស់​នេះ ដល់​ពលរដ្ឋ​ខ្មែរ ដែល​រស់នៅ​តាម​បណ្តា​ប្រទេស​នានា​លើ​ពិភពលោក ឲ្យ​បាន​អាន​គ្រប់ៗគ្នា៕

Advertisement



អត្ថបទបន្ទាប់


ឥណ្ឌូនេស៊ី និងម៉ាឡេស៊ី ផ្ញើលិខិតទៅសហភាពអឺរ៉ុប ជំទាស់ការទប់ស្កាត់ប្រេងដូង​របស់ខ្លួនចូលទីផ្សារអឺរ៉ុប

ព័ត៌មាន
ប្រមុខរដ្ឋាភិបាលប្រទេសឥណ្ឌូនេស៊ី និងម៉ាឡេស៊ី បានចេញមុខចុះហត្ថលេខារួមគ្នា លើលិខិតមួយ ជំទាស់ផែនការរបស់សហភាពអឺរ៉ុប ក្នុងការកាត់ទប់ស្ក...

១០ ឆ្នាំ ក្រុមហ៊ុន Smart Axiata វិនិយោគជាង ១,៤ ពាន់លានដុល្លារ នៅកម្ពុជា

ព័ត៌មាន
មួយទសវត្សរ៍កន្លមកនេះ ពោលគឺ ចាប់ពីឆ្នាំ២០០៨ ដល់ឆ្នាំ២០១៨ ក្រុមហ៊ុន Smart Axiata បានវិនិយោគក្នុងទីផ្សារកម្ពុជា ក្នុងទំហំទឹកប្រាក់ជាង១,...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ