ក្រោយសម្ពោធផ្លូវ៦០ម៉ែត្រ សកម្មភាពអាជីវកម្មនិងតម្លៃដីធ្លីនៅតំបន់នោះនឹងពុះកញ្ជ្រោល
ផ្លូវ៦០ម៉ែត្រ ដែលមានឈ្មោះផ្លូវការមហាវិថីសម្ដេចតេជោ ហ៊ុន សែន បានបើកឲ្យប្រើប្រាស់ជាផ្លូវការហើយ។ អ្នកជំនាញអចលនទ្រព្យ អបអរ…
ពលករខ្មែរទាំងនោះ កំពុងធ្វើដំណើរតាមផ្លូវឆ្ពោះមកស្រុកកំណើតនៅកម្ពុជា ដើម្បីមកជួបជុំគ្រួសារក្នុងឱកាសបុណ្យចូលឆ្នាំថ្មីប្រពៃណីខ្មែរ នាពេលខាងមុខនេះ។
កាសែត ឌឹ ណេសិន ដដែល សរសេរថា ពលករចំណាកស្រុកខ្មែរ ដែលមានបុរស ១១២នាក់ និងស្ត្រី ៩២នាក់ ត្រូវគេរាយការណ៍ថា ធ្វើដំណើរតាមរថភ្លើងសាធារណៈដោយបើកចំហ ពីព្រោះពួកគេចង់ឲ្យតម្រួតថៃចាប់ខ្លួន និងបញ្ជូនមកប្រទេសកំណើតវិញ ដើម្បីពួកគេមិនបាច់ចំណាយសោហ៊ុយធ្វើដំណើរ។
ថ្មីៗនេះ កាសែតថៃមួយទៀត គឺកាសែត បាងកកប៉ុស្តិ៍បានចុះផ្សាយថា រដ្ឋាភិបាលថៃបានសម្រេចលើកលែងការយកថ្លៃផ្លូវ សម្រាប់ការធ្វើដំណើរពីថៃទៅកាន់ប្រទេសជិតខាងដូចជា កម្ពុជា ឡាវ និងមីយ៉ាន់ម៉ា ដើម្បីជួយសម្រួលដល់ការធ្វើដំណើររបស់ពលករចំណាកស្រុក ទៅកាន់ប្រទេសកំណើតវិញ ក្នុងពេលបុណ្យចូលឆ្នាំ (ឬសង្ក្រាន្ត) នាពេលខាងមុខនេះ។
សូមបញ្ជាក់ថា ប្រទេសកម្ពុជាមានពលករចំណាកស្រុកទៅធ្វើការនៅប្រទេសថៃជិតខាង ប្រមាណ ១លាន ៦ម៉ឺននាក់ ទាំងពលករស្របច្បាប់ និងទាំងពលករដែលគ្មានឯកសារអត្តសញ្ញាណត្រឹមត្រូវ។
👍 មួយឆ្នាំៗ ពលករខ្មែរនៅថៃផ្ញើប្រាក់មកស្រុកកំណើតប្រហែល ១ពាន់លានដុល្លារ
នៅក្នុងចំនួនខាងលើនេះ មន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ឲ្យដឹងថា មានប្រហែល ៣សែន ៦ម៉ឺននាក់ ជាពលករចំណាកស្រុកដែលគ្មានឯកសារត្រឹមត្រូវ។
លោក ហេង សួរ មន្ត្រីអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានផ្ដល់តួលេខចុងក្រោយបំផុតដល់អ្នកសារព័ត៌មាន ដែលបង្ហាញថា ពលករចំណាកស្រុកខ្មែរដែលធ្វើការនៅប្រទេសថៃ ទាំងអ្នកស្របច្បាប់ ទាំងអ្នកគ្មានឯកសារត្រឹមត្រូវ ផ្ញើប្រាក់ត្រលប់មកស្រុកកំណើតវិញក្នុងមួយឆ្នាំៗ ប្រមាណ ១ពាន់លានដុល្លារ៕
