សេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងថា ក្នុងចំណោមអ្នកវិជ្ជមានកូវីដ១៩ទាំង ៦១៦នាក់នោះ ជាករណីចម្លងក្នុងសហគមន៍នៃ «ព្រឹត្តិការណ៍២០កុម្ភៈ» ទាំងអស់ ខណៈដែលអ្នកជាសះស្បើយមានចំនួនដល់ទៅ១៩០នាក់ ដែលតម្រូវឲ្យចេញពីមន្ទីរពេទ្យ ហើយបន្តធ្វើចត្តាឡីស័កនៅផ្ទះ១៤ថ្ងៃបន្ថែមទៀតដោយខ្លួនឯង។
សម្រាប់អ្នកវិជ្ជមានករណីសហគមន៍ទាំង៦១៦នាក់ រួមមាន រាជធានីភ្នំពេញ៥៤៦ករណី, ខេត្តកណ្ដាល ២៤ករណី, ព្រះសីហនុ២០ករណី, ព្រៃវែង៨ករណី, តាកែវ៧ករណី, មណ្ឌលគិរី២ករណី, ស្វាយរៀង២ករណី, កំពង់ឆ្នាំង២ករណី, កំពង់ធំ២ករណី, កោះកុង២ករណី និង កំពង់ស្ពឺ១ករណី។
នៅក្នុងសេចក្តីប្រកាសព័ត៌មានដោយឡែកមួយទៀតរបស់ក្រសួងសុខាភិបាល ចេញផ្សាយក្នុងថ្ងៃនេះដដែលបានគូសបញ្ជាក់ថា មានអ្នកជំងឺកូវីដ០៣នាក់ទៀត បានស្លាប់បាត់បង់ជីវិតដោយសារកូវីដ-១៩ ក្នុងនោះមាន ស្ត្រីឣាយុ ៧៩ឆ្នាំ បុរសឣាយុ ៥៧ឆ្នាំ និងស្ត្រីឣាយុ ៦៥ឆ្នាំ។
សូមបញ្ជាក់ថា គិតត្រឹមព្រឹក ថ្ងៃទី២៥ ខែមេសា ឆ្នាំ២០២១ គិតត្រឹមថ្ងៃទី២៥ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន៩៩៧៥នាក់ ក្នុងនោះអ្នកជាសះស្បើយចំនួន ៣៤០០ នាក់, អ្នកកំពុងសម្រាកព្យាបាលជំងឺ ចំនួន៦៤៩៥ នាក់ និងស្លាប់បាត់បង់ជីវិតចំនួន៧៤ នាក់៕
