អត្ថបទទាក់ទង
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារ អេស៊ីលីដា បានមានប្រសាសន៍ថា ធនគារ អេស៊ីលីដា គឺជាសមាជិកប្រព័ន្ធបាគង ដូច្នេះ អតិថិជនដែលប្រើប្រាស់ អេស៊ីលីដាម៉ូបាល អាចផ្ទេរប្រាក់រវាងគ្នាទៅវិញទៅមក បានយ៉ាងងាយស្រួល ។
លោកស្រីបានបញ្ជាក់បន្ថែមថា ដោយសារ អេស៊ីលីដាម៉ូបាល មានសេវាជាច្រើនសម្រាប់ធ្វើប្រតិបត្តិការបានយ៉ាងទូលំទូលាយ ដូច្នេះ អតិថិនរបស់គ្រឹះស្ថានធនាគារនិងហិរញ្ញវត្ថុផ្សេងៗទៀត ដែលជាសមាជិករបស់ប្រព័ន្ធបាគង ក៏អាចផ្ទេរប្រាក់មកកាន់ អេស៊ីលីដាម៉ូបាល បានដូចគ្នាដែរ ។
នេះជារបៀបផ្ទេរប្រាក់តាម អេស៊ីលីដាម៉ូបាល គឺគ្រាន់តែចូលទៅកាន់កម្មវិធី អេស៊ីលីដាម៉ូបាល ចុចលើពាក្យ «ផ្ទេរប្រាក់/Transfer» រួចជ្រើសរើសពាក្យ «ទៅធនាគារក្នុងស្រុក ឬគណនីបាគង/To Local Bank & Bakong» បន្ទាប់មក ជ្រើសរើស ធនាគារ ឬស្ថាប័នហិរញ្ញវត្ថុដែលត្រូវផ្ទេរទៅ, បញ្ចូលលេខគណនីដែលត្រូវទទួលប្រាក់, បញ្ចូលចំនួនទឹកប្រាក់, ជ្រើសរើសគោលបំណង បន្ទាប់មក ចុចពាក្យ បញ្ជូន គឺជាការស្រេច ៕
