តើអ្នកនៅរាជធានីភ្នំពេញ និងក្រុងតាខ្មៅ នឹងត្រូវចាក់វ៉ាក់សាំង ស៊ីណូវ៉ាក់ និងស៊ីណូហ្វាម ដូសទី២ នៅពេលណា ទីកន្លែងណា?
គណៈកម្មការចំពោះកិច្ចចាក់វ៉ាក់សាំងកូវីដ១៩ បានចេញសេចក្តីជូនដំណឹង ដល់សាធារណៈ ជន មន្ត្រីរាជការ ដែលនឹងត្រូវទទួលការចាក់…
លោក ញៀន ចំរើន ប្រធានផ្នែកទីផ្សារ នៃកសិដ្ឋានចិញ្ចឹមត្រី Cambodia Fresh Farm បានប្រាប់សារព័ត៌មានខេមបូណូមីស ថា ថៅកែជនជាតិជប៉ុនរបស់លោកដែលជាម្ចាស់កសិដ្ឋានចិញ្ចឹមត្រី នៅព្រែកក្តាម បានសម្រេចដាក់លក់ត្រីអណ្តែង១គីឡូក្រាមតម្លៃ៥ពាន់រៀល ដើម្បីជួយសម្រួលការចំណាយរបស់ពលរដ្ឋកម្ពុជា ដែលកំពុងជួបការលំបាកដោយសារការរាតត្បាតនៃជំងឺកូវីដ-១៩ ដែលកំពុងរាលដាលខ្លាំងក្នុងសហគមន៍។
លោកបានអះអាងថា មូលហេតុដែលជំរុញឲ្យកសិដ្ឋានរបស់លោកសម្រេចលក់ក្នុងតម្លៃនេះ ដោយសារថៅកែរបស់ខ្លួនសង្កេតឃើញថាតម្លៃត្រី សាច់ និងទំនិញចាំបាច់មួយចំនួននៅតាមទីផ្សារនានាក្នុងក្រុងភ្នំពេញ ត្រូវបានអាជីវករឆ្លៀតឱកាសមួយចំនួនដំឡើងថ្លៃខ្ពស់ពេក ក្នុងអំឡុងប្រជាពលរដ្ឋ ជាប់បម្រាមវិធានការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅរយៈពេល១៤ថ្ងៃ។
បើតាមប្រធានផ្នែកទីផ្សាររូបនេះដដែលបានបន្តថា កសិដ្ឋានរបស់លោក លក់ឲ្យតែប្រជាពលរដ្ឋដែលមកទិញរាយលក្ខណៈគ្រួសារប៉ុណ្ណោះ ខណៈឈ្មួញទិញដុំ គឺមិនលក់ឲ្យនោះទេក្នុងតម្លៃ៥ពាន់រៀលនេះ។
បើតាមឯកឧត្តម ស៊ាង ថៃ អ្នកនាំពាក្យក្រសួងពាណិជ្ជកម្មបានបញ្ជាក់ថា ត្រីជាមុខម្ហូបមានការឡើងថ្លៃច្រើនជាងគេបើធៀបនឹងមុខម្ហូបផ្សេងទៀត ហើយមូលហេតុដែលធ្វើឲ្យត្រីឡើងថ្លៃខ្ពស់ជាងគេ ព្រោះមានការរាំងស្ទះការនាំចូលត្រីពីក្រៅប្រទេស ពាក់ព័ន្ធការរៀបចំឯកសារនាំចូល ដោយសារមន្ត្រីអត់ធ្វើការក្នុងអំឡុងពិធីបុណ្យចូលឆ្នាំថ្មីប្រពៃណីខ្មែរ ស្របពេលមានការបិទខ្ទប់តំបន់មួយចំនួននៅកម្ពុជា។ ត្រីភាគច្រើនដែលប្រើប្រាស់ក្នុងទីផ្សារកម្ពុជា គឺនាំចូលពីក្រៅប្រទេស៕
ចុច Like Facebook Page របស់ខេមបូណូមីស និងចូលរួមក្នុង Telegram ដើម្បីទទួលបានព័ត៌មានថ្មីៗលឿនរហ័សមុនគេ: https://t.me/cambonomist
None
