រាជរដ្ឋាភិបាលកម្ពុជា បរិច្ចាគសាច់ប្រាក់ចំនួន ២០ម៉ឺនដុល្លារជូនប្រទេសមីយ៉ាន់ម៉ា

បើតាមលិខិតរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ផ្ញើជូនទៅកាន់លោក មីន អ៊ុងឡាំង ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា បានឲ្យដឹងថា ក្រៅពីទឹកប្រាក់២០ម៉ឺនដុល្លានេះ កម្ពុជាក៏បានបរិចា្ចគនូវគ្រឿងឧបករណ៍វេជ្ជសាស្រ្តមួយចំនួនដូចជា៖ ម៉ាសចំនួន ៣លានប្រអប់ ឧបករណ៍តេស្តរហ័ស ចំនួន ៥០ម៉ឺន,សំលៀកបំពាក់សុវត្ថិភាពPPEចំនួន ២ពាន់ឈុត, ម៉ាស៊ីនតាមដានសញ្ញាជីវិតចំនួន ២០គ្រឿងជាដើម។

គួរបញ្ជាក់ផងដែលថា ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មាធិការអន្តរក្រសួងដើម្បីប្រយុទ្ធប្រឆាំងនឹងជំងឺកូវីដ-១៩ នឹងដឹកនាំគណៈប្រតិភូមួយក្រុម ធ្វើការប្រគល់ជូនអំណោយខាងលើនេះ តាមរយៈជើងហោះហើរពិសេស ដែលនឹងត្រូវរៀបចំដើម្បីធ្វើដំណើរទៅទីក្រុងណៃពិដោ នាពេលឆាប់ៗនេះ។

អត្ថបទ៖ ហួន ស្រីនីត