រដ្ឋអាជ្ញារុស្ស៊ី ប្រកាសរឹបអូសទ្រព្យសម្បត្តិ ដែលគ្រប់គ្រងដោយក្រុមហ៊ុនបរទេសជិត២៩ពាន់លានដុល្លារ
ស្របពេលសហរដ្ឋអាម៉េរិក ជួយសម្របសម្រួលឲ្យមានការចរចាជាលើកទី១ រវាងរុស្ស៊ី និងអ៊ុយក្រែន លើបទឈប់បាញ់រយៈពេល៣០ថ្ងៃ រដ្ឋអាជ្ញារុស្ស៊ី បានប្រកាសថា…
ស្របពេលប្រធានាធិបតីអាម៉េរិក លោក ដូណាល់ ត្រាំ ចាប់ផ្តើមសង្រ្គាមពាណិជ្ជកម្ម និងបង្ខិតបង្ខំផ្នែកសេដ្ឋកិច្ច ដើម្បីយកកាណាដា ធ្វើជារដ្ឋទី៥១របស់អាម៉េរិកនោះ រដ្ឋមន្ត្រីការពារជាតិ លោក ប៊ីល ប្លែរ (Bill Blair) បានទទួលភារកិច្ចពីនាយករដ្ឋមន្ត្រីកាណាដា លោក ម៉ាក ខានី ដើម្បីពិនិត្យមើលឡើងវិញនូវការទិញយន្តហោះចម្បាំង F-35 របស់អាម៉េរិក ដើម្បីមើលថា តើមានជម្រើសផ្សេងទៀតដែរឬទេ។
សម្រាប់លោក ខានី ការមានលទ្ធភាពផលិតកាន់តែច្រើននៅកាណាដា គឺជាកត្តាដ៏សំខាន់មួយ ហើយថា ក្រុមហ៊ុនផលិតសម្ភារយោធាដ៏ធំមួយរបស់ស៊ុយអែត បានសន្យាថា នឹងជួយដំឡើង និងថែទាំយន្តហោះចម្បាំងរបស់កាណាដា ខណៈលោកមានបំណងធ្វើពិពិធកម្មលទ្ធកម្មរបស់កាណាដា និងបង្កើនទំនាក់ទំនងរបស់ខ្លួនជាមួយសហភាពអឺរ៉ុប។
រដ្ឋមន្ត្រីការបរទេសកាណាដា លោកស្រី មេឡានី ចូលី (Mélanie Joly) បានអះអាងថា កត្តាដែលជំរុញឱ្យកាណាដា ពិភាក្សាជាមួយសហភាពអឺរ៉ុប ពាក់ព័ន្ធវិស័យការពារជាតិ ព្រោះបច្ចុប្បន្នកាណាដា បានពឹងផ្អែកខ្លាំងលើសហរដ្ឋអាម៉េរិក សម្រាប់លទ្ធកម្មការពារជាតិ។ ដូច្នេះវាល្មមដល់ពេលដែលត្រូវបង្កើតឧស្សាហកម្មការពារជាតិ នៅក្នុងស្រុកហើយ ព្រោះកាណាដា ត្រូវពង្រឹងការពារខ្លួនដោយខ្លួនឯង ប៉ុន្តែកាណាដា ក៏ត្រូវស្វែងរកដៃគូផ្សេងៗនៅជុំវិញលោកផងដែរ។
សូមរំលឹកថា កាណាដា បានចុះកុងត្រាទិញយន្តហោះចម្បាំង F-35 ជាច្រើនពីសហរដ្ឋអាម៉េរិក ប៉ុន្តែរដ្ឋាភិបាលក្រុងអូតាវ៉ា គ្រាន់តែប្ដេជ្ញាផ្លូវច្បាប់ចំពោះមូលនិធិសម្រាប់យន្តហោះចម្បាំង១៦គ្រឿងដំបូងតែប៉ុណ្ណោះ ខណៈ៨៨គ្រឿងទៀតដែលបានទិញកាលពីពីរឆ្នាំមុនទំនងជានឹងមិនកើតឡើងនោះទេ៕
អត្ថបទ៖ សុខ មង្គល
