ចិនអនុញ្ញាតឱ្យក្រុមហ៊ុនហិរញ្ញវត្ថុកាន់តែច្រើនដើរតួនាទីនាំមុខក្នុងការធានាបំណុល

អាជ្ញាធរចិន បានប្រកាសផ្តល់អាជ្ញាបណ្ណដល់ក្រុមហ៊ុនហិរញ្ញវត្ថុបរទេសចំនួន៦ ឲ្យជួយដើរតួជាអ្នកធានាទិញមូលបត្រនាំមុខគេសម្រាប់បញ្ហាបំណុលនៅក្នុងប្រទេស ខណៈដែលខ្លួនទទួលយកអ្នកលេងភាគហ៊ុនបរទេសកាន់តែច្រើនចូលទៅក្នុងទីផ្សារបំណុលក្នុងទីផ្សារជួញដូរ ។

សារព័ត៌មានធំៗបានរាយការណ៍ថា ស្ថាប័នធានាគារទាំងនេះ រួមមានក្រុមហ៊ុន Credit Agricole ក្រុមហ៊ុន HSBC និងក្រុមហ៊ុន Standard Chartered។ ក្រុមហ៊ុនហិរញ្ញវត្ថុបរទេសទាំងនេះ ត្រូវបានអាជ្ញាធរចិនប្រកាសទទួលស្គាល់ប្រតិបត្តិការហិរញ្ញវត្ថុនៅក្នុងកម្រិតរហូតដល់អាជ្ញាប័ណ្ណប្រភេទ A ដែលអនុញ្ញាតឱ្យក្រុមហ៊ុនទាំងនេះមានសិទ្ធិដឹកនាំការធានាលើបញ្ហាបំណុលរបស់អ្នកខ្ចីក្នុងស្រុក និងបរទេស ក៏ដូចជាធ្វើសេវាកម្មមួយចំនួន ដែលរួមមាន តាំងពីការជូនដំណឹងពីសមាគមជាតិ នៃអ្នកវិនិយោគស្ថាប័នទីផ្សារហិរញ្ញវត្ថុផងដែរ។

ក្រៅពីក្រុមហ៊ុនហរិញ្ញវត្ថុទាំងបីនេះក៏នៅមាន ធនាគារពីរផ្សេងទៀត ដែលរួមមានធនាគារ ដូតឈ័រ (Deutsche Bank) និងធនាគារ BNP Paribas ដែលជាធនាគារបានទទួលសិទ្ធិឫកាន់អាជ្ញាប័ណ្ណនៅក្នុងវិស័យពាក់ព័ន្ធនឹងបំណុលនៅក្នុងផ្សារហ៊ុននេះ។ ការប្រគល់សិទ្ធិ និងលទ្ធភាពដែលទីក្រុងប៉េកាំងបានសម្រេចនេះ គឺជាការបន្ថែមការយកចិត្តទុកដាក់របស់ចិននៅក្នុងការតភ្ជាប់ចរន្តនៃសេដ្ឋកិច្ច និងហិរញ្ញវត្តុដូចដែលបានធ្វើជាមួយនឹងក្រុមហ៊ុន JPMorgan និងក្រុមហ៊ុន Mizuho ដែលជាក្រុមហ៊ុនកម្រិតអន្តរជាតិ។ ក្រុមហ៊ុនទាំងនេះគឺសុទ្ធតែត្រូវបានគេដឹងថា គឺជាក្រុមហ៊ុនដែលទទួលបានសិទ្ធិទទួលខុសត្រូវលើអ្នកធានានាំមុខគេអំពីបញ្ហាបំណុលដោយអ្នកខ្ចីបរទេសដែលគេស្គាល់ថា ជាប័ណ្ណបំណុល។

អ្នកវិភាគបានអះអាងថា ការដាក់ចេញវិធានការនេះ គឺជាការលើកទឹកចិត្តរបស់រដ្ឋាភិបាលចិនក្នុងគោលបំណងលើកកម្ពស់ការប្រើប្រាស់ប្រាក់យន់ជាសកល ក៏ដូចជាដើម្បីធានានូវស្ថិរភាពនៃលំហូរសាច់ប្រាក់។ កាលពីឆ្នាំ២០២៣ កន្លងទៅនេះ ចិនអាចសម្រេចបានកំណើនសេដ្ឋកិច្ចដែលមានទំហំរហូតដល់ទៅ៥,២% ខណៈដែលការិយាល័យស្ថិតិជាតិចិនបានអះអាងថា អត្រាផលិតផលក្នុងស្រុកសរុបរបស់ចិនមានទំហំដល់ទៅជិត១៨ទ្រីលានដុល្លារ។ កំណើនសេដ្ឋកិច្ចនេះ គឺខ្ពស់ជាងការរំពឹងទុករបស់រដ្ឋាភិបាលដែលកំណត់ត្រឹមតែ៥ %៕

ដោយៈ សរ សុជាតិ