របាយការណ៍អង្គការពាណិជ្ជកម្មពិភពលោកដដែលបានបង្ហាញថា ផលិតផលវិជ្ជសសាស្ត្ររបស់ប្រទេសចិនដែលបាននាំចេញទៅក្រៅប្រទេសភាគច្រើនជាផលិតផលសម្រាប់ទប់ទល់នឹងកូវីដ-១៩កំរិតធ្ងន់ បានកើនឡើងដល់ទៅជិត៣ដង ពីទំហំទឹកប្រាក់ជាង ២៨ពាន់លានដុល្លារប៉ុណ្ណោះកាលពីឆ្នាំ ២០១៩ កើនឡើងដល់ជាង ១០០ពាន់លានដុល្លារអាមេរិកក្នុងឆ្នាំ២០២០។
ការកើនឡើងនៃការនាំចេញនេះ បានរុញច្រានឲ្យចិនឡើងមកឈរលើកំពូលតារាងក្លាយជាអ្នកនាំចេញផលិតផលវេជ្ជសាស្ត្រធំជាងគេបំផុតកាលពីឆ្នាំ២០២០។
ជាក់ស្តែង គ្រាន់តែនៅ ៥ខែដំបូងឆ្នាំ ២០២០ប៉ុណ្ណោះមានក្រុមហ៊ុនចិនថ្មីៗដល់ទៅជាង ៧ម៉ឺនក្រុមហ៊ុនបានសម្រុកមកចុះបញ្ជីសុំអាជ្ញាបណ្ណផលិតម៉ាស់ការពារ ដែលចំនួននេះបានកើនឡើងជាង ១២០០% បើធៀបនឹងរយៈពេលដូចគ្នាកាលពីឆ្នាំ២០១៩។
អត្ថបទគួរអាន
ទន្ទឹមនឹងនេះ បើតាមរបាយការណ៍របស់ WTO ដដែល សហរដ្ឋអាមេរិកបានក្លាយជាអ្នកនាំចូលផលិតផលវេជ្ជសាស្ត្រប្រឆាំងនឹងកូវីដ-១៩ច្រើនជាងគេ តាមពីក្រោយដោយប្រទេសនៅតំបន់អឺរ៉ុបដូចជាអាល្លឺម៉ង់ជាដើម ក្នុងទំហំទឹកប្រាក់សរុបជាង ៧៨ពាន់លានដុល្លារ ដែលស្មើនឹង១ភាគ៥នៃការនាំចូលផលិតផលវេជ្ជសាស្ត្រទាំងអស់ក្នុងពិភពលោក។ សហរដ្ឋអាមេរិកត្រូវបានគេរាយការណ៍ថា នាំចូលផលិតផលវេជ្ជសាស្ត្រប្រឆាំងនឹងកូវីដ-១៩ ពីប្រទេសចិនច្រើនជាងគេ គ្រាដែលឆ្នាំ២០២០ សហរដ្ឋអាមេរិកកំពុងតែលិចលង់ខ្លាំងក្នុងព្យុះកូវីដ-១៩។
សូមបញ្ជាក់ថា ពាណិជ្ជកម្មផលិតផលវេជ្ជសាស្ត្រនៅទូទាំងពិភពលោកក៏មានការកើនឡើងគួរឲ្យកត់សម្គាល់ផងដែរកាលពីឆ្នាំ២០២០ ទំហំពាណិជ្ជកម្មផលិតផលវេជ្ជសាស្ត្រពិភពលោកបានហក់ឡើង១៦% កើនឡើងទឹកប្រាក់ដល់ជាង ២,៣ទ្រីលានដុល្លារ ដែលកាលនោះ ជាពេលដែលពិភពលោកកំពុងមមាញឹកប្រយុទ្ធប្រឆាំងនឹងកូវីដ១៩ខ្លាំងមែនទែន៕
None
