កម្ពុជារកចំណូលបានជាង៤ពាន់៧រយលានដុល្លារពីការនាំចេញកសិផលនៅពេញមួយឆ្នាំ២០២៤
ការនាំចេញកសិផលរបស់កម្ពុជាសម្រេចបានជាង១១លានតោនកើនលើសឆ្នាំ២០២៣ ជាង៣លានតោន ដោយរកចំណូលបានជាង៤ពាន់៧រយលានដុល្លារ កើនឡើង១៤៣លានដុល្លារបើធ…
ប្រធានាធិបតីរុស្ស៊ីលោក វ៉្លាឌីមៀ ពូទីន បានបញ្ជាឱ្យរដ្ឋាភិបាលរុស្ស៊ី និងធនាគារធំបំផុតបស់ប្រទេសរុស្ស៊ី អេស ប៊ឺ ប៊ែង (Sberbank) ពង្រឹងកិច្ចសហប្រតិបត្តិការបន្ថែមទៀតជាមួយមហាយក្សចិន ផ្នែកស្រាវជ្រាវ និងអភិវឌ្ឍន៍បច្ចេកវិទ្យាបញ្ញាសិប្បនិមិត្ត AI ដើម្បីប្រជែងនឹងសហរដ្ឋអាម៉េរិក។
ទណ្ឌកម្មរបស់លោកខាងលិច បានរារាំងដល់ការនាំចេញមីក្រូឈីបសំខាន់ៗទៅកាន់ប្រទេសរុស្ស៊ី ដែលធ្វើឱ្យរុស្ស៊ី ពិបាកនឹងសម្រេចមហិច្ឆតា AI និងពិបាកយកជ័យជម្នះក្នុងសង្គ្រាមនៅប្រទេសអ៊ុយក្រែន។
នាយកប្រតិបត្តិធនាគារ Sberbank លោក ជើមែន ហ្គ្រេប (German Gref) បានទទួលស្គាល់កាលពីអំឡុងឆ្នាំ២០២៣ ថា GPUs ដែលត្រូវបានប្រើប្រាស់ក្នុងទូរសព្ទដៃ កុំព្យូទ័រ ឧបករណ៍លេងហ្គេម និង Device ផ្សេងៗទៀត ដែលមានសារៈសំខាន់ខ្លាំងសម្រាប់ការអភិវឌ្ឍបច្ចេកវិទ្យា AI គឺជា ហាដវែរ (hardware) ដែលប្រទេសរុស្ស៊ីពិបាកនឹងរកជំនួសបំផុត។ សូមបញ្ជាក់ថា ប្រទេសរុស្ស៊ី កំពុងចាប់ដៃគូសហការជាមួយប្រទេសក្រៅពីលោកខាងលិច ដើម្បីប្រជែងនឹងការត្រួតត្រារបស់សហរដ្ឋអាម៉េរិក ក្នុងវិស័យបច្ចេកវិទ្យាសំខាន់ៗក្នុងសតវត្សរ៍ទី២១ នេះ។
លោក ពូទីន កាលពីថ្ងៃទី១១ ខែធ្នូ បានប្រកាសបង្កើតបណ្តាញសម្ព័ន្ធបច្ចេកវិទ្យា AI ថ្មីមួយដែលនឹងប្រមូលផ្តុំទៅដោយអ្នកឯកទេសមកពីប្លុកប្រទេស BRICS និងបណ្ដារដ្ឋផ្សេងទៀត ដែលមានចំណាប់អារម្មណ៍ចង់ចូលរួម។ បច្ចុប្បន្ន ប្រទេសរុស្ស៊ី ជាប់ចំណាត់ថ្នាក់លេខ៣១ក្នុងចំណោមប្រទេសចំនួន៨៣ ផ្នែកអភិវឌ្ឍន៍បច្ចេកវិទ្យា AI ដោយតាមពីក្រោយឆ្ងាយពីសហរដ្ឋអាម៉រិក មហាយក្សចិន ឥណ្ឌា និងប្រេស៊ីល៕
ដោយ: តែម សុខុម
