មន្ត្រីមូលដ្ឋានក្នុងក្រុងប៉េកាំងបានឲ្យដឹងថា អាជ្ញាធរតម្រូវឲ្យអ្នកដែលរស់នៅក្បែរ ឬជាយទីក្រុងប៉េកាំង បើមិនមានការចាំបាច់សូមផ្អាកការធ្វើដំណើរចូកមកក្នុងទីក្រុងសិន។ ប្រសិនបើក្នុងករណីចាំបាច់ណាមួយតម្រូវឲ្យធ្វើដំណើរចូលមកក្នុងក្រុង ពលរដ្ឋត្រូវបង្ហាញលិខិតបញ្ជាក់ការធ្វើតេស្តអវិជ្ជមានកូវីដ១៩។ ជាមួយគ្នានេះ ច្រកចេញចូលក្រុងប៉េកាំងទាំងអស់ រួមមានផ្លូវដែក ផ្លូវហាយវ៉េ និង អាកាសយាន្តដ្ឋាន ត្រូវមានការរឹតបន្តឹងជាងមុនប្រកបដោយការត្រួតពិនិត្យខ្ពស់។
ក្រៅពីក្រុងប៉េកាំង ទីក្រុងផ្សេងៗទៀតនៅជុំវិញនោះ ក៏បាននិងកំពុងបង្កើនការរឹតបន្តឹងសុវត្ថិភាពពីកូវីដ១៩ផងដែរ រួមមានរឹតត្បិតការធ្វើដំណើរជាងមុន ខណៈការជួបជុំនៅកន្លែងកម្សាន្ដខ្លះក៏ត្រូវបានអាជ្ញាធរប្រចាំតំបន់ធ្វើការហាមឃាត់ផងដែរ។
គួរជម្រាបផងដែរថា បន្ថែមពីលើវិធានការណ៍តឹងរ៉ឹងដើម្បីទប់ស្កាត់កូវីដ១៩ឌែលតា ក្រុងប៉េកាំងកាលពីថ្ងៃសុក្រសប្តាហ៍មុន បានប្រើចំណាត់ការក្តៅមកលើមន្ត្រីមូលដ្ឋាននៃក្រុងណានជីង ខេត្តជាំងស៊ូ ចំនួន៧រូបរួចហើយ ដោយអ្នកខ្លះត្រូវបានគេដកចេញពីដំណែង ខ្លះទៀតត្រូវពិន័យរដ្ឋបាល និងមួយចំនួនផ្សេងទៀតកំពុងស្ថិតក្រោមការស៊ើបអង្កេតបន្ថែម ក្រោយបានធ្វើការធ្វេសប្រហែស ខ្វះទំនួលខុសត្រូវលើមុខតំណែងរបស់ខ្លួន ដែលបានបណ្តាលឲ្យមានការឆ្លងរាលដាលកូវីដ១៩ចេញពីតំបន់ដែលខ្លួនគ្រប់គ្រង ។
អត្ថបទទាក់ទង
គួររំឭកថា ក្រុងណាជីង នៃខេត្តជាំងស៊ូរបស់ចិន ជាទីដែលត្រូវបានគេប្រទះឃើញ ករណីវិជ្ជមានកូវីដ១៩ឌែលតាដំបូងគេ កាលពីថ្ងៃទី២០ខែកក្កដាកន្លងទៅ ហើយវាបានបន្តឆ្លងរាលដាលទៅខេត្តនិងក្រុងជាង២០ផ្សេងទៀតក្នុងប្រទេសចិន។
សូមជម្រាបថា នៅថ្ងៃអាទិត្យទី០៨ សីហាម្សិលមិញ ចិនបន្តរកឃើញករណីឆ្លងថ្មីចំនួន ៩៦ករណីទៀត ថយចុះបន្តិច បើធៀបនឹងថ្ងៃសៅរ៍ដែលមានដល់ ១០៧ករណី ខណៈករណីវិជ្ជមានទាំង ៩៦ករណី នៅថ្ងៃអាទិត្យ មាន៨១ករណីជាការចម្លងក្នុងសហគមន៍។ គិតត្រឹមដើមខែសីហានេះ ចិនមានអ្នកឆ្លងកូវីដ១៩សរុបជាង ៩ម៉ឺន៣ពាន់នាក់ ស្របពេលដែលចំនួនអ្នកស្លាប់មិនមានការកើនឡើងនោះទេ ដោយរក្សាត្រឹមជាង ៤ពាន់៦រយនាក់ដដែល៕
None
