នាយកប្រតិបត្តិក្រុមហ៊ុនមួយរូប បានប្រាប់អាជ្ញាធរ Ha Tinh នៅសប្ដាហ៍នេះថា តំបន់សេដ្ឋកិច្ច Vung Ang របស់ខេត្ត Ha Tinh (ហា ទិញ) មានហេដ្ឋារចនាសម្ព័ន្ធគ្រប់គ្រាន់សម្រាប់គម្រោងនេះ ដែលនឹងតភ្ជាប់ទៅនឹងបណ្តាញខ្សែបញ្ជូនថាមពល ៥០០គីឡូវ៉ុល ពីភាគខាងជើងទៅភាគខាងត្បូង។
Samsung C&T Corp ដែលជាក្រុមហ៊ុនសាងសង់របស់ Samsung Group របស់កូរ៉េខាងត្បូង នឹងក្លាយជាអ្នកម៉ៅការដ៏សំខាន់សម្រាប់គម្រោងរោងចក្រនេះ ដែលនឹងប្រើប្រាស់ឧស្ម័នធម្មជាតិរាវ ឬ LNG។
សំណើនេះធ្វើឡើងនៅពេលដែលប្រទេសវៀតណាមកំពុងសម្លឹងមើលគម្រោងផលិតឧស្ម័នធម្មជាតិ LNG ដើម្បីឆ្លើយតបនឹងតម្រូវការថាមពលដែលកំពុងកើនឡើង ជាលទ្ធផលនៃកំណើនសេដ្ឋកិច្ចយ៉ាងឆាប់រហ័សរបស់ខ្លួន។
ក្រុមហ៊ុន Liquefied Natural Gas Ltd របស់អូស្ត្រាលី កាលពីខែមុន បានចុះហត្ថលេខាលើកិច្ចព្រមព្រៀងមួយ ជាមួយខេត្ត Bac Lieu ភាគខាងត្បូងនៃប្រទេសវៀតណាម ដើម្បីផ្គត់ផ្គង់ឧស្ម័នធម្មជាតិ (LNG)។
អត្ថបទទាក់ទង
ក្រុមហ៊ុន PetroVietnam Gas Corporation (PV Gas) ដែលគ្រប់គ្រងដោយរដ្ឋ និងដៃគូរបស់ខ្លួន គ្រោងនឹងចាប់ផ្តើមសាងសង់ស្ថានីយឧស្ម័នធម្មជាតិដំបូងគេនៅវៀតណាម នៅភាគខាងត្បូង នៅក្នុងខែនេះ។
ប្រទេសវៀតណាមគ្រោងនឹងសាងសង់ស្ថានីយឧស្ម័នធម្មជាតិ ចំនួន ៦ស្ថានីយ ដោយចំណាយថវិកាអស់ជាង ៦ពាន់លានដុល្លារ ក្រោមគម្រោងអភិវឌ្ឍន៍ឧស្សាហកម្មឧស្ម័ន។
ប្រទេសវៀតណាមនាំចូលឧស្ម័ន LNG ពី ១ ទៅ ៤ ពាន់លានម៉ែត្រគូប ក្នុងមួយឆ្នាំ ពីឆ្នាំ២០២១-២០២៥ ដោយសារសមត្ថភាពផលិតក្នុងស្រុក ត្រូវគេព្យាករថា នឹងធ្លាក់ចុះចាប់ពីឆ្នាំ២០២៣ទៅ។
ធនាគារពិភពលោក បាននិយាយកាលពីឆ្នាំមុនថា វៀតណាមចាំបាច់ត្រូវការថវិកាវិនិយោគ ចំនួន ១៥០ពាន់លានដុល្លារ នៅឆ្នាំ២០៣០ ដើម្បីអភិវឌ្ឍវិស័យថាមពលរបស់ខ្លួន ខណៈតម្រូវការនឹងកើនឡើង ៨ភាគរយក្នុងមួយឆ្នាំៗ ក្នុងរយៈពេល១០ឆ្នាំទៅខាងមុខ៕
