ក្រុមហ៊ុនអាកាសយានដ្ឋានវៀតណាម រំពឹងប្រាក់ចំណេញធ្លាក់ចុះដល់ ៨០% នៅឆ្នាំនេះ
ដោយសារតែឥទ្ធិពលនៃវិបត្តិកូវីដ-១៩ ក្រុមហ៊ុនសាជីវកម្មអាកាសយានដ្ឋានវៀតណាម រំពឹងថា ប្រាក់ចំណេញមុនបង់ពន្ធរបស់ខ្លួននៅឆ្នាំ ២០២០នេះ អាចនឹងធ្ល…
តាមរយៈសេចក្តីជូនព័ត៌មានរបស់ក្រសួងសុខាភិបាលដដែលនេះបានបញ្ជាក់ទៀតថា បុរសដែលបានឆ្លងមេរោគកូវីដ១៩ទាំង០២នាក់នោះ ម្នាក់រស់នៅខេត្តត្បូងឃ្មុំ និងម្នាក់ទៀតរស់នៅខេត្តកណ្តាល ដោយអ្នកទាំងពីរបានធ្វើដំណើរត្រលប់មកពីប្រទេសម៉ាឡេស៊ី តាមជើងហោះហើយត្រង់មួយ ដែលជើងហោះហើរនេះ មានអ្នកដំណើរសរុប១០៧នាក់ ស្រី៣៨នាក់ និងប្រុស៦៩នាក់។ ក្នុងចំណោមអ្នកទាំង១០៧នាក់នេះ មានជនជាតិម៉ាឡេស៊ីតែ០២នាក់ប៉ុណ្ណោះ ក្រៅពីនេះ គឺសុទ្ធតែជាជនជាតិខ្មែរ។
បច្ចុប្បន្ននេះ អ្នកឆ្លងថ្មីទាំង០២នាក់នេះ បានដាក់ឲ្យព្យាបាលនៅមណ្ឌលសុខភាពចាក់អង្រែក្រោម រាជធានីភ្នំពេញ។ចំណែករួមអ្នកដំណើរជាមួយ១០៥នាក់ផ្សេងទៀត បានដាក់ឲ្យធ្វើចត្តាឡីស័ក ដោយជនជាតិខ្មែរ ១០៣នាក់ បានដាក់ឲ្យធ្វើចត្តាឡីស័កនៅមណ្ឌលជម្ពូវ័ន និងជនជាតិម៉ាឡេស៊ី០២នាក់នោះ ដាក់នៅសណ្ឋាគារមួយក្នុងរាជធានីភ្នំពេញ ។
សូមជម្រាបថា រហូតមកល់នឹងពេលនេះ ប្រទេសកម្ពុជាមានអ្នកជំងឺកូវីដ១៩សរុប១៤១ នាក់ហើយ ស្រី៤០នាក់ ប្រុស១០១នាក់ ដែលក្នុងនោះមានអ្នកជាសះស្បើយមានចំនួន១២៩នាក់ ស្រី៣៩នាក់ ប្រុស៩០នាក់៕
None
