ក្រសួងវប្បធម៌ និងវិចិត្រសិល្បៈបញ្ជាក់ថា ការសម្រេចនេះ ធ្វើឡើងបន្ទាប់ពីបានស្ដាប់បទបង្ហាញក៏ដូចជាផ្ដល់យោបល់ និងមានកិច្ចប្រជុំជាបន្តបន្ទាប់ទាក់ទងនឹងគម្រោងរបស់ក្រុមហ៊ុនNaga នេះ ។ ទោះយ៉ាងណា ក្រសួងវប្បធម៌មិនបានបញ្ជាក់ពីហេតុផលលម្អិតអំពីការបដិសេធសំណើរគម្រោងរបស់ក្រុមហ៊ុននេះនៅឡើយទេ។
ក្រុមហ៊ុន NagaCorp ដែលជាក្រុមហ៊ុនមេ របស់NagaWorld ដែលកំពុងរកស៊ីផ្នែកអាជីវកម្មល្បែងកាស៊ីណូ និងសណ្ឋាគារនៅរាជធានីភ្នំពេញ។
ក្រុមហ៊ុន NagaCrop កាលពីចុងឆ្នាំ២០២០ បានបង្ហាញពីគម្រោងអភិវឌ្ឍន៍រមណីយដ្ឋានមិនមែនកាស៊ីណូតម្លៃ ៣៥០ លានដុល្លារអាមេរិក នៅក្នុងខេត្តសៀមរាប ក្នុងគោលដៅលើកកម្ពស់ផ្សព្វផ្សាយពីក្រុមហ៊ុន NagarWold និងប្រាសាទអង្គរវត្ត ដែលជាបេតិកភណ្ឌពិភពលោកថា ជានិមិត្តរូបតំណាងឲ្យវិស័យទេសចរណ៍នៅកម្ពុជា។ នេះបើតាមការចុះផ្សាយរបស់ Inside Asian Gaming។
អត្ថបទទាក់ទង!
ក្នុងគម្រោងរបស់ NagaCorp នេះ ក៏គ្រោងបង្កើតតំបន់កម្សាន្ដមួយ ដែលមានឈ្មោះថា ទីក្រុងសៀមរាប-ចិន (Siem Reap China Town) ដែលនឹងការលក់អាហារតាមផ្លូវ ការប្រគុំតន្ត្រី ការដើរទិញទំនិញ រួមជាមួយនឹងសួនច្បារ និងទឹកផងដែរ។
លើសពីនេះ ការបង្កើតឲ្យមានបឹងអច្ឆរិយ (Angkor Lake of Wonder) ដែលមាននៅក្នុងគម្រោងនេះ គឺអាចនឹងធ្វើឡើងធំជាងទំហំបូកបញ្ចូលគ្នានៃតំបន់កម្សាន្ដ Disneyland និង Disney California Adventure នៅក្នុងទីក្រុងរដ្ឋ Los Angeles សហរដ្ឋអាមេរិកទៅទៀត
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
