គិតត្រឹមរយៈពេល ៥ខែ ដើមឆ្នាំ ២០២០នេះ ប្រទេសវៀតណាមទទួលបានក្រុមហ៊ុនចុះបញ្ជីថ្មី ជិត ៥ម៉ឺនក្រុមហ៊ុនហើយ ជាមួយដើមទុនប្រមាណ ២៤ពាន់លានដុល្លារអាមេរិក ដែលតួលេខនេះ មានការធ្លាក់ចុះ ១៦% ធៀបនឹងពេលដូចគ្នា កាលពីឆ្នាំមុន។
បើគិតជាមួយនឹង ការបន្ថែមទុនចុះបញ្ជីជាង ៣៥ពាន់លានដុល្លារទៀត ធ្វើឲ្យទុនវិនិយោគសរុប ដែលបានចាក់បញ្ចូលទៅក្នុង សេដ្ឋកិច្ចវៀតណាមគឺមានជាង ៥៩ពាន់លានដុល្លារអាមេរិក។
អំឡុងពេលនៃវិបត្តិកូវីដ-១៩នេះ សហគ្រាសអាជីវកម្មជាង ២ម៉ឺនកន្លែង ចាប់ផ្តើមបើកដំណើរការឡើងវិញ ខណៈជាង ២,៦ ម៉ឺនកន្លែងទៀត បានបន្តផ្អាកអាជីវកម្ម ហើយក៏មានក្រុមហ៊ុនជាង ៦ពាន់ក្រុមហ៊ុន បានបំពេញនីតិវិធីប្រកាសក្ស័យធនរួចជាសម្រេចដែរ។
អត្ថបទទាក់ទង!
ជាមួយគ្នានេះដែរ ក្រុមហ៊ុនក្នុងស្រុកវៀតណាមជាច្រើនដែលជួបបញ្ហាប្រឈមនឹងការក្ស័យធន ដោយសារតែមេរោគកូវីដ-១៩នោះ ក៏កំពុងតែជួបប្រទះនូវ បញ្ហាថ្មីមួយទៀត ដែលចាំបាច់ត្រូវលក់ក្រុមហ៊ុនរបស់ខ្លួន ទៅឲ្យវិនិយោគិនបរទេស ដែលឆ្លៀតឱកាសនេះ ទិញក្រុមហ៊ុនក្នុងស្រុកវៀតណាម ក្នុងតម្លៃទាបតែម្តង។
សូមជម្រាបថា កាលពីឆ្នាំ ២០១៩កន្លងទៅ វៀតណាម ទទួលបានក្រុមហ៊ុនចុះបញ្ជីថ្មីជិត ១៤ម៉ឺនក្រុមហ៊ុន ដែលមានកំណើន ៥% ធៀបនឹងឆ្នាំ ២០១៨៕
None
