![ចំណូលរមណីយដ្ឋានអង្គររកបានត្រឹមតែជាង ១៨លានដុល្លារ ប៉ុណ្ណោះ ធ្លាក់ចុះជាង ៧៥% នៅ៩ខែឆ្នាំ២០២០(រូបភាព Bangkok post)](https://cdn.cambonomist.com/media/images/c1_1873759.2e16d0ba.fill-960x540.jpg)
នៅក្នុងសេចក្តីប្រកាសព័ត៌មានដដែលនោះបានបញ្ជាក់ទៀតថា សម្រាប់ខែកញ្ញា ឆ្នាំ២០២០ មានភ្ញៀវទេសចរបរទេសប្រមាណជិត ៣.០០០នាក់ ខណៈដែលចំណូលទទួលបានពីការលក់បណ្ណចូលទស្សនារមណីដ្ឋានអង្គរវិញមានចំនួន ជាង ១២ម៉ឺនដុល្លារអាមេរិក ថយចុះប្រមាណជាង ៩៧% ធៀបនឹងខែកញ្ញា ឆ្នាំ២០១៩។
របាយការណ៍ពីក្រសួងទេសចរណ៍កម្ពុជា បានឲ្យដឹងថា នៅរយៈពេល ៧ខែ ដំបូងនៅឆ្នាំ២០២០នេះ កម្ពុជា ទទួលបានភ្ញៀវទេសចរអន្តរជាតិសរុប ១,២លាននាក់ ធ្លាក់ចុះ ៦៨,៧% ធៀបនឹងរយៈពេលដូចគ្នាកាលពីឆ្នាំមុន ដែលធ្លាប់មានដល់ទៅ៣,៨៤ លាននាក់។ សម្រាប់រយៈពេល ៧ខែនៅឆ្នាំ២០២០នេះ ប្រទេសចិន វៀតណាម និងថៃ ត្រូវបានរបាយការណ៍បញ្ជាក់ថា គឺប្រភពភ្ញៀវទេសចរអន្តរជាតិធំជាងគេរបស់កម្ពុជា។
គួរបញ្ជាក់ថា រាជរដ្ឋាភិបាលកម្ពុជា បានដាក់ចេញនូវវិធានការជុំទី៦ ហើយ ដើម្បីគ្រប់គ្រងផលប៉ះពាល់ លើវិស័យសំខាន់ៗ ដោយវិបត្តិនៃជំងឺកូវីដ-១៩។ នៅក្នុងនោះដែរ សម្រាប់វិស័យទេសចរណ៍ រដ្ឋាភិបាលនៅតែបន្តផ្តល់ប្រាក់ឧបត្ថម្ភ បន្តលើលែងពន្ធប្រចាំខែគ្រប់ប្រភេទ ចំពោះសណ្ឋាគារ ផ្ទះ សំណាក់ភោជនីយដ្ឋាន និងក្រុមហ៊ុនភ្នាក់ងារទេសចរណ៍ ក៏ដូចជាការពន្យារពេលបង់ ប.ស.ស រួមទាំងការលើកលែងពន្ធប៉ាតង់ និងពន្ធនាមករណ៍ជាដើម៕