តើមានកត្តាអ្វីខ្លះ ធ្វើឲ្យក្រុមហ៊ុនធំៗនៅមានការស្ទាក់ស្ទើរក្នុងការចុះបញ្ជីនៅផ្សារភាគហ៊ុនកម្ពុជា?
ក្នុងប្រតិបត្តិការ១០ឆ្នាំកន្លងមកនេះរបស់ទីផ្សារមូលបត្រកម្ពុជា បានទាក់ទាញក្រុមហ៊ុនឲ្យមកចុះបញ្ជីបោះផ្សាយលក់ភាគហ៊ុន និងសញ្ញាបណ្ណ ឬបណ្ណបំណុលបានច…
លោក យីមុន (Yee Mon) រដ្ឋមន្ត្រីការពារជាតិរបស់រដ្ឋាភិបាលរួបរួមជាតិ(NUG) ឬដែលបច្ចុប្បន្នត្រូវបានគេស្គាល់ថា ជារដ្ឋាភិបាលស្រមោល បាននិយាយប្រៀបធៀបប្រជាជនអ៊ុយក្រែន និងកងជីវពលគាំទ្រលទ្ធិប្រជាធិបតេយ្យរបស់មីយ៉ាន់ម៉ាថា សុទ្ធតែកំពុងប្រយុទ្ធដើម្បីសេរីភាព និងដើម្បីជីវិតរស់រានរបស់ពួកគេដូចគ្នា។ ប៉ុន្តែលោកយី មុន ទទូចថា បើចង់ឲ្យកងជីវពលមីយ៉ាន់ម៉ា អាចយកឈ្នះលើទ័ពរដ្ឋាភិបាលលោក មីន អ៊ុងឡាំងដែលមានបំពាក់នូវសម្ភារៈយោធាគ្រប់គ្រាន់បាន កងជីវពលមីយ៉ាន់ម៉ាត្រូវការលើសពីការសំដែងការសាមគ្គីរបស់អន្តរជាតិ។
លោក យី មុន បានរៀបរាប់នៅក្នុងសេចក្តីថ្លែងការណ៍ ដែលសរសេរដោយដៃមួយច្បាប់ ផ្តល់ឱ្យ Reuters យ៉ាងដូច្នេះថា៖ ការបង្ហាញការសាមគ្គីរបស់សហគមន៍អន្តរជាតិសម្រាប់មីយ៉ាន់ម៉ា គឺជាការគាំទ្រដ៏សំខាន់ណាស់សម្រាប់យើង ហើយយើងសូមគុណចំពោះវា។ ប៉ុន្តែយើងត្រូវការច្រើនជាងនេះ ពិសេសបើយើងអាចទទួលបានជំនួយថវិកា និងយោធា នោះវាកាន់តែប្រសើរ។
សេចក្តីថ្លែងការណ៍ដដែលបន្តថា៖ បើមានការគាំទ្រមែននោះ នោះក្រុមកម្លាំងតស៊ូប្រឆាំងនឹងរបបសឹកយីយ៉ាន់ម៉ា អាចនឹងអាចបញ្ចប់បដិវត្តន៍លើកនេះឱ្យបានឆាប់ ដើម្បីកាត់បន្ថយការបាត់បង់ជីវិតមនុស្ស និងទ្រព្យសម្បត្តិ។ សម្ព័ន្ធមិត្តលោកខាងលិច បាននិងកំពុងបំពាក់អាវុធដល់យុទ្ធជនក្នុងប្រទេសអ៊ុយក្រែន ដើម្បីទប់ទល់នឹងការឈ្លានពានរបស់រុស្ស៊ី ដែលទីក្រុងម៉ូស្គូហៅថាជា ប្រតិបត្តិការពិសេស។ ចំណែកប្រទេសមីយ៉ាន់ម៉ា បានស្ថិតក្នុងភាពចលាចល ចាប់តាំងពីរដ្ឋប្រហារកាលពីដើមឆ្នាំមុនមក ដូច្នេះ រដ្ឋាភិបាលស្រមោលមីយ៉ាន់ម៉ា រំពឹងថា ក្រុមខ្លួនគួរតែទទួលបានការគាំទ្រទាំងអស់នេះដែរ។
គួរជម្រាថា បើតាមទិន្នន័យអង្គការសហប្រជាជាតិ មានមនុស្សជាង ៥៦ម៉ឺននាក់ត្រូវបានផ្លាស់ទីលំនៅដោយការប្រយុទ្ធគ្នារវាងកងជីវពល និងក្រុមយោធាមីយ៉ាន់ម៉ាដែលកំពុងក្ដាប់អំណាច។ ទោះយ៉ាងណា ក្រុមហ៊ុនយោធាបានចាត់ទុកក្រុមតស៊ូទាំងនេះ ថាជាក្រុមឧទ្ទាម និងក្រុមភេរវជន ហើយថែមទាំងបានសច្ចាថា នឹងបោសសម្អាតក្រុមនេះឲ្យអស់ទៀតផង។
ទោះយ៉ាងណា កងជីវពលភាគច្រើនមានបំពាក់អាវុធធុនស្រាល និងគ្រាប់បែក ដែលកែច្នៃផលិតដោយខ្លួនឯងប៉ុណ្ណោះ ដើម្បីប្រយុទ្ធជាមួយយោធាភូមា ដែលមានបំពាក់នូវអាវុធទំនើបៗ។ អង្គការសហប្រជាជាតិបានថ្កោលទោសយោធាភូមាថា បានប្រើប្រាស់អាវុធធុនធ្ងន់ និងបានវាយប្រហារតាមផ្លូវអាកាស ទៅលើប្រជាជនស៊ីវិល។
សូមជម្រាបថា ភាគីខាងក្រុមយោធាមីយ៉ាន់ម៉ា មិនបានឆ្លើយតបទៅនឹងការស្នើសុំប្រតិកម្មរបស់អ្នកយកព័ត៌មាននោះទេ ខណៈដែលតំណាងសហភាពអឺរ៉ុបប្រចាំទីក្រុងយ៉ង់ហ្គោន ក៏មិនបានឆ្លើយតបនឹងអ្នកយកព័ត៌មានរ៉យទ័រដែរ។ ប៉ុន្តែ អ្នកនាំពាក្យក្រសួងការបរទេសអាមេរិកមួយរូបបាននិយាយនៅក្នុងសារអ៊ីមែលថា សហរដ្ឋអាមេរិកបន្តជំរុញរបបយោធាឱ្យបញ្ចប់អំពើហិង្សា និងកំពុងធ្វើការជាមួយដៃគូដើម្បីស្តារមាគ៌ារបស់ប្រទេសមីយ៉ាន់ម៉ាទៅកាន់លទ្ធិប្រជាធិបតេយ្យឡើងវិញ ប៉ុន្តែមិនបានផ្តល់អាវុធ ឬទម្រង់នៃការគាំទ្រលក្ខណៈយោធាដល់ក្រុម អង្គការ ឬបុគ្គលណាមួយនោះទេ៕
None
