ឥណទានធានាដោយប្រាក់បញ្ញើ; ស្នើសុំភ្លាម ទទួលបានប្រាក់កម្ចីភ្លាម អាចខ្ចីបានរហូតដល់ ២០ម៉ឺនដុល្លារ
អតិថិជនដែលដាក់ប្រាក់បញ្ញើមានកាលកំណត់នៅធនាគារ អេស៊ីលីដា ឥឡូវនេះ អាចស្នើសុំខ្ចីឥណទាន តាមរយៈ អេលីដាម៉ូបាល បានភ្លាមៗ ។
បុណ្យចូលឆ្នាំថ្មីរបស់ភូមាក្នុងឆ្នាំនេះនឹងប្រព្រឹត្តិទៅក្នុងពេល៥ថ្ងៃ រាប់ចាប់ពីថ្ងៃទី១៣ខែមេសានេះតទៅ ហើយបើតាមទម្លាប់ ប្រជាជនភូមាតែងមកជួបប្រជុំគ្នាជាមួយបងប្អូនសាច់សារលោហិត ប្រារព្ធពិធីសាសនានៅតាមវត្តអារាម និងមានលេងជះទឹកនៅតាមដងផ្លូវផងដែរ។
ជាអកុសលឆ្នាំនេះមិនដូចជាឆ្នាំមុនៗនោះទេ ដោយពលរដ្ឋភូមាទាំងចាស់ទាំងក្មេងបានបោះបង់ចោលអស់ ការលេងកម្សាន្ដ ជួបប្រជុំបងប្អូន ដោយងាកមកដើរតាមផ្លូវធ្វើបាតុកម្មប្រឆាំងរបបសឹកតាំងពីព្រលឹមស្រាងៗម្ល៉េះ។
យុវជនជាបាតុករម្នាក់បានប្រាប់អ្នកយកព័ត៌មានរបស់ Reuters ថា «យើងមិនអាចសប្បាយរីករាយនឹងបុណ្យចូលឆ្នាំបានជាដាច់ខាត គ្រាដែលពលរដ្ឋដ៏ក្លាហានរបស់យើងជាង ៧០០នាក់មកហើយបានលះបង់ជីវិតដើម្បីប្រទេសមួយនេះ។»
គេមិនបានឃើញការជួបជុំរបស់បាតុករលក្ខណៈទ្រង់ទ្រាយធំណាមួយនោះទេ តែផ្ទុយទៅវិញពលរដ្ឋបានដើរមកប្រមូលផ្តុំគ្នាជាក្រុមតូចៗ នៅពាសពេញទីក្រុងដែលខ្លួនរស់នៅ។
ពុំមានសេចក្តីរាយការណ៍ណាមួយ ពីការប៉ះទង្គិច និងការប្រើអំពើហិង្សាគ្នារវាងបាតុករនឹងប៉ូលីសនោះទេក្នុងថ្ងៃនេះ ប៉ុន្តែប្រការនេះ អាចបណ្តាលមកពីរឹតត្បិតសេវ៉ា Internet ពីសំណាក់យោធា ជាហេតុធ្វើឲ្យគេមិនអាចទទួលបានព័ត៌មាន ទោះបីមានការប៉ះទង្គិចគ្នាណាមួយក្តី។
សូមជម្រាបជូនថា បាតុកម្មអំឡុងថ្ងៃបុណ្យចូលឆ្នាំនេះ ត្រូវបានសកម្មជន និងយុវជនគ្រោងរៀបចំឡើងរយៈពេល ៥ថ្ងៃពេញនៃពីធីបុណ្យ ពោលគឺចាប់ពីថ្ងៃអង្គារទី១៣នេះដល់ថ្ងៃសៅរ៍ទី១៧មេសា។
សូមបញ្ជាក់ថា បាតុកម្មជាង២ខែកន្លងមកនេះ បានឆក់យកជិវីតប្រជាជនភូមាចំនួន ៧១០នាក់ ដោយសារការបាញ់បង្ក្រាបពីប៉ូលីស និងយោធាបង្ក្រាបបាតុកម្ម។ នេះបើតាមទិន្នន័យរបស់អង្គការជួយអ្នកទោសនយោបាយភូមា ហៅកាត់ថា AAPP។ ប៉ុន្តែបើតាម តួលេខរបស់រដ្ឋាភិបាលសឹក មានមនុស្សតែជិត ២៥០នាក់ប៉ុណ្ណោះបានស្លាប់៕ចុច Like Facebook Page របស់ខេមបូណូមីស និងចូលរួមក្នុង Telegram ដើម្បីទទួលបានព័ត៌មានថ្មីៗលឿនរហ័សមុនគេ: https://t.me/cambonomist
None
