ហេតុអ្វីសហគ្រិនស្ត្រីនៅតែជួបបញ្ហាប្រឈមក្នុងការទទួលបានដើមទុន ដើម្បីពង្រីកអាជីវកម្ម?
ថ្នាក់ដឹកនាំសហគ្រិនស្ត្រីកម្ពុជាបានអះអាងថា ស្ត្រីនៅតែជួបបញ្ហាប្រឈមក្នុងការទទួលបានឥណទានពីគ្រឹះស្ថានធនាគារ និងមីក្រូហិរញ្ញវត្ថុ ដើម្បីស្តារ បើក…
Story: ក្រោយពីករណីឆ្លងកូវីដ១៩កាន់តែឆ្លងរីករាលដាលខ្លាំង ទីក្រុងសៀងហៃ មានបំណងនឹងពង្រីកការរឹតត្បឹតបន្ថែមទៀត ខណៈដែលកន្លងមកទីក្រុងដ៏សំខាន់មួយនេះ ត្រូវបានបានបិទខ្ទប់ជាពីរដំណាក់កាល ក្នុងរយៈពេល ២ សប្តាហ៍មុនរួចមកហើយ ដើម្បីព្យាយាមទប់ទល់នឹងការផ្ទុះឡើងនៃការរីករាលដាលកូវីដ១៩ ដ៏ធំបំផុតក្នុងទីក្រុង។ ក្នុងនោះ ការបិទខ្ទប់ត្រូវបានកំណត់ដំបូងថា នឹងបញ្ចប់នៅថ្ងៃអង្គារសប្ដាហ៍នេះ នៅក្នុងភាគខាងលិចនៃទីក្រុង ប៉ុន្តែឥឡូវនេះត្រូវបានពន្យារពេលបន្ថែមទៀត រហូតដល់មានការជូនដំណឹងជាថ្មី។
អាជ្ញាធរទីក្រុងសៀងហៃ បានបញ្ជាក់នៅថ្ងៃអង្គារសប្ដាហ៍នេះថា ទីក្រុងសៀងហៃបានរាយការណ៍ពីករណីឆ្លងមេរោគកូវីដ ១៩ មានចំនួនសរុបជាង១ ម៉ឺន ៣ ពាន់ ករណីកាលពីថ្ងៃទី ៤ ខែមេសា កើនឡើងជាង ៨ ពាន់ ៥ រយនាក់ ធៀបនឹងមួយថ្ងៃមុន បន្ទាប់ពីមានយុទ្ធនាការធ្វើតេស្តទ្រង់ទ្រាយធំ នៅទូទាំងទីក្រុង ចំពោះមនុស្សជាង ២៥ លានក្នុងរយៈពេល ២៤ ម៉ោង។
ជាមួយគ្នានេះ អាជ្ញាធរបានប្រកាសកាលពីល្ងាចថ្ងៃចន្ទថា ការរឹតបន្តឹងបន្ថែមទៀត នឹងត្រូវបានដាក់នៅលើការដឹកជញ្ជូនក្នុងទីក្រុងចាប់ពីថ្ងៃអង្គារ ទី០៥ ខែមេសាតទៅ ជាមួយនឹងការផ្អាកខ្សែរថភ្លើងក្រោមដីបន្ថែមទៀតផងដែរ។
លោក Sun Chunlan ឧបនាយករដ្ឋមន្ដ្រីចិនទទួលបន្ទុកការប្រយុទ្ធទប់ទល់នឹងជំងឺកូវីដ ១៩ បាននិយាយក្នុងអំឡុងពេលត្រួតពិនិត្យកន្លែងធ្វើតេស្តក្នុងទីក្រុងសៀងហៃកាលពីថ្ងៃថ្ងៃទី ៤ ខែមេសាថា ការចាក់វ៉ាក់ស៊ាំង និងការធ្វើតេស្តឥឡូវនេះ គឺជាចំណុចដ៏សំខាន់ ដើម្បីទប់ស្តាត់ការរីករាលដាលកូវីដ ១៩ ហើយវាមានសារៈសំខាន់ណាស់ ដែលប្រជាជនគ្រប់រូបត្រូវតែធ្វើតេស្តឲ្យបានគ្រប់ៗគ្នា។
គួរកត់សម្គាល់ថា យ៉ាងហោចណាស់បុគ្គលិក ៣ម៉ឺន ៨ពាន់នាក់ ត្រូវបានដាក់ពង្រាយទៅកាន់ទីក្រុងសៀងហៃនៅតំបន់ផ្សេងៗគ្នា ដែលជាការធ្វើប្រតិបត្តិការសុខាភិបាលដ៏ធំបំផុតនៅក្នុងប្រទេស ចាប់តាំងពីការបិទទីក្រុង Wuhan នៅដើមឆ្នាំ ២០២០ ។
ក្រុមអ្នកវិភាគនៅខាងក្រៅប្រទេសចិនបានព្រមានអំពីការធ្វើឲ្យប៉ះពាល់សេដ្ឋកិច្ចធ្ងន់ធ្ងរនៃយុទ្ធនាការដ៏គ្មានប្រសិទ្ធភាពរបស់ប្រទេសចិនក្នុងការទប់ស្កាត់ការរីករាលដាលកូវីដ ១៩។
លោក Michael Hirson អ្នកវិភាគចិននៅក្រុមហ៊ុនប្រឹក្សា Eurasia Group បាននិយាយថា អ្វីដែលគួរឱ្យចាប់អារម្មណ៍បំផុតនៅក្នុងទីក្រុងសៀងហៃ គឺការលំបាកដែលអាជ្ញាធរកំពុងមាន ក្នុងការគ្រប់គ្រងការដឹកជញ្ជូន ជាពិសេសលក្ខខណ្ឌនៅក្នុងកន្លែងដាក់ឱ្យធ្វើចត្តាឡីស័ក៕
None
