រលកកម្តៅនៅថៃ ហក់ឡើងដល់ជិត៥២អង្សាសេ ដែលអាចបង្កគ្រោះថ្នាក់ដាច់សរសៃឈាមខួរក្បាល
ជាទូទៅសីតុណ្ហភាពជាមធ្យមនៅតំបន់អាស៊ីអាគ្នេយ៍ចន្លោះពីខែឧសភា ដល់ខែតុលា គឺស្ថិតនៅត្រឹម ២៤ ដល់៣៥អង្សាសេតែប៉ុណ្ណោះ។ ប៉ុន្តែនៅទីក្រុងបាងកក ប្រ…
នៅប៉ុន្មានឆ្នាំចុងក្រោយនេះ ប្រទេសជាច្រើននៅអាស៊ីអាគ្នេយ៍បានបង្កើនកិច្ចសហប្រតិបត្តិការផ្នែកការពារជាតិតាមរយៈកិច្ចព្រមព្រៀងផ្លាស់ប្តូរព័ត៌មានសម្ងាត់ ការហ្វឹកហ្វឺនល្បាតសមុទ្ររួមគ្នា ការពិគ្រោះយោបល់យោធា និងការទិញអាវុធទំនើប។ ជាក់ស្តែងកាលពីថ្ងៃទី១ ខែមិថុនា ប្រទេសហ្វីលីពីន និងវៀតណាមបានពង្រឹងទំនាក់ទំនងទៅជាដៃគូយុទ្ធសាស្ត្រគ្រប់ជ្រុងជ្រោយ និងបានចុះកិច្ចសហប្រតិបត្តិការការពារជាតិថ្មីមួយ ដែលរួមមានការផ្លាស់ប្តូរព័ត៌មាន កិច្ចសន្ទនាយុទ្ធសាស្ត្រ និងសកម្មភាពរួមនៅលើសមុទ្រ។
ទន្ទឹមនេះឥណ្ឌា បានចុះកិច្ចព្រមព្រៀងទំហំ៦២៩លានដុល្លារ ដើម្បីលក់មីស៊ីលល្បឿនលឿន BrahMos ឱ្យទៅវៀតណាម។ ជាមួយគ្នានេះ ហ្វីលីពីន ក៏បានទិញមីស៊ីលប្រភេទដូចគ្នាពីឥណ្ឌាក្នុងទំហំ៣៧៥ លានដុល្លារផងដែរ។
យ៉ាងណាមិញជប៉ុន ក៏កំពុងពង្រឹងទំនាក់ទំនងសន្តិសុខជាមួយហ្វីលីពីន យ៉ាងឆាប់រហ័សផងដែរ។ ប្រទេសទាំងពីរបានចាប់ផ្តើមអនុវត្តកិច្ចព្រមព្រៀងអនុញ្ញាតឱ្យកងទ័ពចូលទៅធ្វើប្រតិបត្តិការនៅលើទឹកដីគ្នាទៅវិញទៅមក និងកំពុងចរចាលើការចែករំលែកព័ត៌មានយោធាសម្ងាត់។ ចំណែកអូស្ត្រាលី និងឥណ្ឌូណេស៊ី បានចុះហត្ថលេខាលើសន្ធិសញ្ញាក្រុងហ្សាការតា កាលពីអំឡុងខែកុម្ភៈ ដែលបង្កើតក្របខណ្ឌសហប្រតិបត្តិការសន្តិសុខ និងការពិគ្រោះយោបល់កម្រិតខ្ពស់ជាប្រចាំ។
ទោះជាយ៉ាងណា កិច្ចព្រមព្រៀងទាំងនេះមិនមែនជាសម្ព័ន្ធយោធាបែបអង្គការបក្សសម្ព័ន្ធយោធា NATO ដែលតម្រូវឱ្យប្រទេសមួយចូលជួយប្រទេសមួយទៀតនៅពេលមានសង្គ្រាមផ្ទុះនោះឡើយ។ ផ្ទុយទៅវិញវាជាបណ្តាញសហប្រតិបត្តិការ ដែលមានភាពបត់បែន និងផ្តោតលើការបង្កើនសមត្ថភាពការពារខ្លួនឯងរបស់ប្រទេសនីមួយៗ៕
ដោយ: តែម សុខុម
