ក្រសួងសេដ្ឋកិច្ចអ៊ីស្រាអែល បានបញ្ជាក់ថា កិច្ចព្រមព្រៀងនេះ នឹងជំរុញដល់ពាណិជ្ជកម្មទ្វេភាគីរវាងប្រទេសអ៊ីស្រាអែល និងកូរ៉េខាងត្បូង ដោយនឹងមានការកាត់បន្ថយនូវពន្ធគយ និងមានការផ្ដល់ជូននូវសុវត្ថិភាពលើការវិនិយោគរវាងប្រទេសទាំងពីរផងដែរ។ ទំហំពាណិជ្ជកម្មទ្វេភាគី រវាងអ៊ីស្រាអែល និងកូរ៉េខាងត្បូង កាលពីឆ្នាំ២០២០សម្រេចបានប្រហែល ២ពាន់៤រយលានដុល្លារអាមេរិក គឺមានប្រហែល២ភាគបី នៃទំនិញនិងសេវាកម្មកូរ៉េខាងត្បូង គឺបាននាំចូលទៅអ៊ីស្រាអែល។
កិច្ចព្រមព្រៀងនេះ នឹងត្រូវចុះហត្ថលេខានៅក្នុងសប្ដាហ៍នេះ នៅក្នុងទីក្រុងសេអូល អំឡុងពេលទស្សនកិច្ចរដ្ឋមន្ត្រីការបរទេស និងសេដ្ឋកិច្ចអ៊ីស្រាអែលនៅលើទឹកដីកូរ៉េខាងត្បូង។
អត្ថបទទាក់ទង!
តាមរយៈកិច្ចព្រមព្រៀងនេះ ក៏នឹងជួយឲ្យទំនិញអ៊ីស្រាអែលដល់ទៅ ៩៥% នាំចេញទៅកូរ៉េខាងត្បូងនឹងត្រូវរួចពន្ធគយ ហើយបច្ចុប្បន្នប្រទេសក្នុងតំបន់មជ្ឈិមបូព៍ាមួយនេះ ក៏កំពុងសិក្សាកិច្ចព្រមព្រៀងស្រដៀងគ្នានេះ ជាមួយនឹងប្រទេសចិន វៀតណាម និងឥណ្ឌាផងដែរ។
សូមបញ្ជាក់ថា កូរ៉េខាងត្បូង និងកម្ពុជា កាលពីពេលកន្លងទៅថ្មីៗនេះ ក៏ទើបតែបានបិទបញ្ជប់ការចរចាជាស្ថាពរផងដែរ ហើយប្រទេសទាំងពីររំពឹងថានឹងចុះហត្ថលេខាលើកិច្ចព្រមព្រៀងនេះ នៅពាក់កណ្ដាលឆ្នាំ២០២១នេះ៕
None
