ដោយបានកត់សម្គាល់ពីប្រសិទ្ធភាពនៃកងយន្តហោះគ្មានមនុស្សបើក ដ្រូន របស់អ៊ុយក្រែន ដែលបានប្រើប្រាស់ទប់ទល់ជាមួយកងទ័ពរុស្ស៊ី ប្រធានាធិបតីតៃវ៉ាន់លោកស្រី Tsai Ing-wen បាននិយាយកាលពីថ្មីៗនេះថា៖ «មិនថាវាសម្រាប់ប្រើប្រាស់ក្នុងវិស័យយោធា ឬស៊ីវិលនោះទេ វាពិតជាចាំបាច់ណាស់សម្រាប់តៃវ៉ាន់ក្នុងការបង្កើនល្បឿននៃការអភិវឌ្ឍយន្តហោះគ្មានមនុស្សបើកនេះ ព្រោះវាជាបញ្ហាសំខាន់សម្រាប់មនុស្សជំនាន់ក្រោយ»។
ប៉ុន្តែ ក្រុមអ្នកវិភាគបានព្រមានថា វាមានភាពមិនច្បាស់លាស់ច្រើន ថាកោះតៃវ៉ាន់នឹងទទួលបានជោគជ័យក្នុងការអភិវឌ្ឍ ដ្រូនដែរឬយ៉ាងណា ដោយសារតែឧស្សាហកម្មយន្តហោះគ្មានមនុស្សបើក របស់ចិនដីគោកមានភាពទំនើប និងជឿនលឿនជាង។ រដ្ឋាភិបាលក្រុងប៉េកាំងចាត់ទុកតៃវ៉ាន់ជាខេត្តមួយរបស់ខ្លួន ដែលត្រូវតែយកត្រឡប់មកគ្រប់គ្រងវិញ ហើយបើចាំបាច់គេនឹងប្រើប្រាស់កម្លាំង។
ក្នុងរយៈពេលប៉ុន្មានឆ្នាំចុងក្រោយនេះ ប៉េកាំងបានបង្កើនសម្ពាធលើកោះតៃវ៉ាន់ រួមទាំងការបញ្ជូនយន្តហោះចម្បាំងស្ទើរតែរាល់ថ្ងៃចូលក្នុងដែនអាកាសកោះមួយនេះ ដើម្បីព្យាយាមបង្ខំ ឲ្យមេដឹកនាំក្រុងតៃប៉ិ ទទួលយកគោលការណ៍ចិនតែមួយ និងរៀបចំកិច្ចចរចាបង្រួបបង្រួមគ្នា។
អត្ថបទគួរអាន
None
