សន្ទស្សន៍ទំនុកចិត្តអ្នកប្រើប្រាស់ បានធ្លាក់ចុះជាលើកដំបូងក្នុងរយៈពេល៣ខែ គិតត្រឹមខែធ្នូ នៅពេលដែលមានបញ្ហាមេរោគឆ្លងជាថ្មីកើតឡើងចាប់ពីនៅវិច្ឆិកាមក ខណៈដែលអ្នកប្រើប្រាស់មានការភ័យខ្លាចខ្លាំងចំពោះការឆ្លងមេរោគ ដែលវាអាចនឹងធ្វើឲ្យប៉ះពាល់ដល់សេដ្ឋកិច្ចក៏ដូចជាវិស័យការងារក្នុងស្រុកផងដែរ។ នេះបើតាមការស្ទង់មតិមួយ ដោយសាកលវិទ្យាល័យសភាពាណិជ្ជកម្មថៃ ដែលបានបង្ហាញនៅថ្ងៃទី ៧ ខែមករា។
ប្រធានសាកលវិទ្យាល័យខាងលើនេះ បានបន្ថែមថា បើស្ថានភាពមិនប្រសើរឡើងវិញទេនៅក្នុងខែមករាទេនោះ ទំនុកចិត្តអ្នកប្រើប្រាស់អាចនឹងធ្លាក់ចុះដល់កម្រិតទាបបំផុត និងបន្ដរហូតដល់រយៈពេល២ខែបន្ដទៀត ហើយផលប៉ះពាល់មកលើសេដ្ឋកិច្ចនៅអំឡុងពេល៣ខែដំបូងនៅឆ្នាំ២០២១ អាចនឹងមានដល់ ១០ពាន់លានដុល្លារអាមេរិក។ ក្នុងន័យនេះ គឺសេដ្ឋកិច្ចរបស់ថៃ នៅត្រីមាសដំបូងនៅឆ្នាំនេះ ទំនងជាអាចធ្លាក់ ៤% ប្រសិនបើមានការចាក់សោរបិទប្រទេសក្នុងទម្រង់ស្រាល ប៉ុន្ដែ អាចនឹងធ្លាក់ចុះរហូតដល់ជាង ១១% ប្រសិនបើមានការចាក់សោរបិទប្រទេសក្នុងទម្រង់ធ្ងន់ធ្ងរ។ នេះបើតាមការអះអាងរបស់ប្រធានសកលវិទ្យាល័យសភាពាណិជ្ជកម្មថៃ។
អត្ថបទទាក់ទង
សកលវិទ្យាល័យដដែលនេះ ក៏បានព្យាករទម្លាក់កំណើនសេដ្ឋកិច្ចថៃ នឹងអាចកើនឡើងត្រឹម ២,២% ប៉ុណ្ណោះ នៅឆ្នាំ២០២១ ខណៈដែលការព្យាករកាលពីមុនថា នឹងមានកំណើន ២,៨%។ បន្ថែមពីនេះ រាជរដ្ឋាភិបាលថៃ ក៏ត្រូវការថវិកាយ៉ាងហោចណាស់ជាង ៦ពាន់៦រយលានដុល្លារអាមេរិកផងដែរ ដើម្បីជំរុញសេដ្ឋកិច្ចជាតិ៕
None
