ជើងហោះហើររាប់ពាន់ត្រូវបានលុបចោលនៅជុំវិញពិភពលោកចុងសប្ដាហ៍នៃថ្ងៃបុណ្យណូអែល ដោយបារម្ភពីមេរោគអូមីក្រុង
ក្រុមហ៊ុនអាកាសចរណ៍ឯកជនជុំវិញពិភពលោកបានលុបចោលជើងហោះហើរជាង ៤ពាន់៥រយជើងនៅចុងសប្តាហ៍មុននេះ ដោយសារតែបារម្ភពីរលកកើនឡើងនៃជំងឺកូវីដ១៩ ជ…
ស្របពេលដែលមានការប្រកាសបើកឱ្យមានការរៀបចំពិធីអបអរថ្ងៃឆ្លងឆ្នាំសកលឡើងវិញនេះ រាជរដ្ឋាភិបាលថៃក៏បានដាក់ចេញនូវគោលនយោបាយ និងគោលការណ៍ណែនាំយ៉ាងច្បាស់លាស់ ហើយសាធារណជនទាំងអស់ត្រូវតែចូលរួមអនុវត្តតាមគោលបាយឲ្យខាងតែបាន ដើម្បីទប់ស្កាត់ការឆ្លងកូវីដ១៩កាន់តែធ្ងន់ធ្ងរ។
សូមជម្រាបថា គោលការណ៍ណែនាំស្តីពីការគ្មានកូវីដ១៩ រួមមានតម្រូវការចាក់វ៉ាក់សាំង ការការពារជាសកល វិធានការសុខភាព និងអនាម័យ ក៏ដូចជាការធ្វើតេស្តអង់ទីហ្សែនផងដែរ។ ដោយអ្នកចូលរួមទាំងអស់ដែលចូលក្នុងព្រឹត្តិការណ៍ឆ្លងឆ្នាំខាងមុខនេះ ត្រូវតែចាក់វ៉ាក់សាំងពេញលេញ ហើយចំពោះការជួបជុំចាប់ពីមនុស្ស ១ពាន់នាក់ឡើងទៅ ត្រូវទាមទារឲ្យធ្វើតេស្ដកូវីដ១៩ នៅមុន៧២ម៉ោងនៃការចូលរួមនោះ។ ខណៈភោជនីយដ្ឋាននានាត្រូវតែបើកចំហ មានខ្យល់អាកាសចេញចូលល្អ ទើបត្រូវបានអនុញ្ញាតឱ្យបម្រើភេសជ្ជៈមានជាតិអាល់កុលដល់អតិថិជនក្នុងអំឡុងពេលឆ្លងឆ្នាំរហូតដល់ត្រឹមម៉ោង ១ ព្រឹកនៅទូទាំងប្រទេស។
រដ្ឋាភិបាលថៃក៏កំពុងតាមដានយ៉ាងដិតដល់នូវស្ថានភាពកូវីដ១៩ និងខិតខំប្រឹងប្រែងឱ្យអស់ពីសមត្ថភាពដើម្បីគ្រប់គ្រងការរីករាលដាលនៃមេរោគអូមីក្រុង រួមទាំងធ្វើយ៉ាងណាឱ្យប្រាកដថា មានការរក្សាគម្លាតសង្គម និងច្បាប់ស្តីពីការទទួលទានគ្រឿងស្រវឹង។ ជាមួយគ្នានេះ លោក ប្រាយុទ្ធ ក៏បានព្រមានដល់ប្រជាជនណាដែលបានក្លែងបន្លំបណ្ណចាក់វ៉ាក់សាំងផងដែរ។
បើទោះជាបែបនេះក្ដី លេខាធិការអចិន្ត្រៃយ៍ផ្នែកសុខភាពសាធារណៈថៃ បានព្រមានថា ករណីកូវីដ១៩ អាចនឹងកើនឡើង បន្ទាប់ពីថ្ងៃឈប់សម្រាកចូលឆ្នាំថ្មី ហើយក៏បានអំពាវនាវឱ្យបុគ្គលិកដែលបម្រើការជាអ្នកទទួលភ្ញៀវនៅតាមអាជីវកម្មនានា ត្រូវតែរក្សាការប្រុងប្រយ័ត្នឱ្យបានខ្ពស់បំផុត។
ទន្ទឹមនេះ
ដោយសារតែករណីឆ្លងកូវីដ១៩ បំប្លែងថ្មី អូមីក្រុង
បន្ដរកឃើញជាបន្ដបន្ទាប់ទាំងករណីនាំចូល និងករណីឆ្លងក្នុងសហគមន៍ផងនោះ
បានជំរុញឲ្យរដ្ឋាភិបាលថៃបានសម្រេច
បញ្ឈប់ការអនុញ្ញាតឲ្យអ្នកដំណើរចូលក្នុងប្រទេសថៃដោយគ្មានការធ្វើចត្តាឡីស័កតទៅទៀតហើយ
ដោយការអនុវត្តវិធានការនេះ បានធ្វើឡើងចាប់តាំងពីថ្ងៃទី២២ ខែធ្នូ
រហូតដល់ថ្ងៃទី ០៤ ខែមករាឆ្នាំ២០២២៕
អត្ថបទ៖ ស៊ើង និមល់
None
