រដ្ឋមន្ត្រីការបរទេសចិន៖ ប៉េកាំងមិនខ្លាចរអារនឹងការប្រឈមមុខជាមួយអាមេរិកឡើយ
ព័ត៌មាន
•
រដ្ឋមន្ត្រីការបរទេស និងជាទីប្រឹក្សារដ្ឋចិនលោក វ៉ាង យី បាននិយាយនៅថ្ងៃច័ន្ទទី២០ខែធ្នូ នេះថា ប្រទេសចិននឹងមិនភ័យខ្លាចក្នុងការប្រឈមមុខដាក់គ្នាជ…
នាយករដ្ឋមន្ត្រីហូឡង់ លោក ម៉ាក រ៉ុតទី បានចេញមកប្រកាសនៅល្ងាចថ្ងៃសៅរ៍សប្តាហ៍មុន ដោយបញ្ជាឲ្យចាប់ផ្តើមបិទខ្ទប់ប្រទេសចាប់ពីថ្ងៃអាទិត្យទី១៩ធ្នូតទៅ។ សម្រាប់វិធានការបិទខ្ទប់លើកនេះ ហាងទំនិញទាំងអស់នៅហូឡង់ និងសូម្បីតែភោជនីយដ្ឋាន ហាងកាត់សក់ កន្លែងហាត់ប្រាណ សារមន្ទីរ ត្រូវបិទទ្វារយ៉ាងតិចរហូតដល់ថ្ងៃទី១៤ខែមករា។
ស្របពេលដែលហូឡង់ ជ្រើសយកការបិទខ្ទប់ ដើម្បីទប់ទល់នឹងកូវីដ១៩អូមីក្រុង ប្រទេសផ្សេងៗទៀតនៅអឺរ៉ុប មិនបានធ្វើដូចគ្នានេះទេ។ រដ្ឋាភិបាលដទៃទៀតនៅអឺរ៉ុប ទំនងជាដាក់ចេញវិធានការសុវត្ថិភាពសង្គមមួយចំនួនប៉ុណ្ណោះ ដោយសារតែគេមិនចង់បង់ខាត ការចំណាយរបស់ពលរដ្ឋ សម្រាប់ការទិញទំនិញ និងដើរកម្សាន្ដអំឡុងថ្ងៃបុណ្យណូអែល និងថ្ងៃឆ្លងឆ្នាំ។
ជាក់ស្តែង ចក្រភពអង់គ្លេស និងប្រទេសអ៊ីតាលី បានប្រកាសថា នឹងដាក់ចេញវិធានការសុវត្ថិភាព ឲ្យបានមុនថ្ងៃបុណ្យណូអែលចូលមកដល់។
ចំណែកប្រទេសបារាំង ដែលកំពុងទទួលស្គាល់ ពីសន្ទុះកំណើនឆ្លងកូវីដ១៩ថ្មីៗ ត្រូវបាននាយករដ្ឋមន្ត្រីលោក ហ្សង់ កាស្តិច បញ្ជាក់កាលពីចុងសប្តាហ៍មុនដែរថា រដ្ឋាភិបាលក្រុងប៉ារីស ចង់ផ្តល់អាទិភាពលើការទទួលខុសត្រូវរបស់ពលរដ្ឋម្នាក់ៗ និងការបង្កើនយុទ្ធនាការចាក់វ៉ាក់សាំង ពិសេសការចាក់ដូសទី៣។ នាយករដ្ឋមន្ត្រីបារាំងអះអាងទៀតថា បារាំងមិនទាន់ចាំបាច់ដាក់ចេញវិធានការរឹតត្បិត ដូចបណ្តាប្រទេសមួយចំនួននៅអឺរ៉ុបនោះទេ។
ដោយឡែកនៅអាមេរិកវិញ មន្ត្រីជំនាញផ្នែកសុខាភិបាលរបស់សេតវិមាន លោក អាន់តូនី ហ្វោស៊ី បានជំរុញឲ្យពលរដ្ឋអាមេរិកដែលត្រៀមនឹងធ្វើដំណើរទៅជួបជុំក្រុមគ្រួសារ ក្នុងថ្ងៃឈប់សម្រាកខាងមុខ មកទទួលយកថ្នាំវ៉ាក់សាំងដូសជំរុញ។ បន្ថែមពីលើនេះ លោកបានសំណូមពរឲ្យពលរដ្ឋពាក់ម៉ាសឲ្យបានជាប់ជាប្រចាំនៅពេល ចេញមកទីសារធារណៈដែលមានមនុស្សច្រើនកុះករ។
ករណីឆ្លងកូវីដ១៩ទូទៅ នៅសហរដ្ឋអាមេរិកចាប់ពីដើមខែធ្នូមកទល់ពេលនេះ បានកើនឡើងប្រមាណ៥០% ធៀបនឹងខែវិច្ឆិកា។
សូមជម្រាបថា កូវីដ១៩បំប្លែងខ្លួនដែលមានកំរិតឆ្លងរហ័ស អូមីក្រុង បានឆ្លងរាលដាលទៅ ៨៩ប្រទេស និងដែនដី ជុំវិញពិភពលោកហើយ។ ក្នុងនោះ អូមីក្រុង បានធ្វើឲ្យករណីឆ្លងនៅក្នុងសហគមន៍នៃប្រទេសភាគច្រើន កើនឡើងជាងទ្វេដង។ នេះបើតាមការប្រកាសពីអង្គការសុខភាពពិភពលោក កាលពីថ្ងៃសៅរ៍សប្តាហ៍មុន៕© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
