ចំនួនទេសចរសរុបប្រមាណ ២លាននាក់ នៅក្នុងខែកុម្ភៈ គឺបានចំណាយលើការដើរកម្សាន្ដក្នុងប្រទេសថៃ ប្រមាណតែ ជាង១០០ ពាន់លានបាត ឬស្មើនឹងប្រមាណជាង ៣ពាន់លានដុល្លារប៉ុណ្ណោះ ពោលគឺធ្លាក់ចុះប្រមាណ ៤៤% ធៀបនឹងកាលពីដើមឆ្នាំ។ ជាមួយគ្នានោះដែរ ភ្ញៀវទេសចរពីប្រទេសចិន ដែលជាប្រភពទេសចរដ៏ធំបំផុតរបស់ប្រទេសថៃនោះ បានធ្លាក់ចុះប្រមាណ ៨៥%ដែរ ។
វិស័យទេសចរណ៍ គឺជាវិស័យស្នូលសំខាន់មួយសម្រាប់កំណើនសេដ្ឋកិច្ចថៃ ដែលចំណូលពីភ្ញៀវទេសចរបរទេស គឺបានចូលរួមចំណែកក្នុងផលិតផលក្នុងស្រុកសរុបរបស់ថៃ ប្រមាណ ១១% កាលពីឆ្នាំមុន។ រីឯ ឧស្សាហកម្មទេសចរណ៍ទាំងមូល គឺត្រូវបានប៉ាន់ប្រមាណថា មានចំណែកប្រហែល ២០% នៃផលិតផលក្នុងស្រុកសរុបនៃប្រទេសថៃ។
អត្ថបទទាក់ទង!
បើតាមអាជ្ញាធរទេសចរណ៍ថៃ ធ្លាប់បានអះអាងនៅក្នុងសារព័ត៌មានបាងកកប៉ុស្ដិ៍ដែរថា បើសិនជាស្ថានភាពអាក្រក់នៃ Covid-19 ត្រូវបានថយចុះនៅក្នុងខែឧសភាខាងមុខ និងវានឹងធ្វើឲ្យចំនួនទេសចរបរទេសចូលក្នុងប្រទេសថៃ ធ្លាក់ចុះមកនៅ ៣០លាននាក់ នៅឆ្នាំនេះ ហើយការចំណាយរបស់ភ្ញៀវទេសចរនឹងធ្លាក់ចុះ២២%។
សាស្ត្រាចារ្យសេដ្ឋកិច្ច នៃសកលវិទ្យាល័យ សភាពាណិជ្ជកម្មថៃ បានព្យាករថា នៅឆ្នាំ២០២០នេះ សេដ្ឋកិច្ចរបស់ប្រទេសថៃ ដែលជាប្រទេសមានសេដ្ឋកិច្ចធំបំផុតទី២ នៅតំបន់អាស៊ីអាគ្នេយ៍នេះ អាចនឹងរក្សាបានកំណើនតិចជាង១%ប៉ុណ្ណោះ ខណៈដែលកាលពីឆ្នាំ២០១៩ ថៃមានកំណើនសេដ្ឋកិច្ច ២,៤% ជាកំណើនទាបបំផុតក្នុងរយៈពេល៥ឆ្នាំ៕
None
