ប្រធានអាកាសយានដ្ឋានថៃ លោក នីធីណៃ ស៊ីរិសមត្ថាកាន (Nitinai Sirismatthakarn) មានប្រសាសន៍ថា គ្រឿងបរិក្ខាបច្ចេកវិទ្យាថ្មីត្រូវបានទិញសម្រាប់ប្រើប្រាស់នៅក្នុងអាកាសយានដ្ឋានចំនួន ៦ របស់ថៃ ដើម្បីកែតម្រូវឱ្យមានលក្ខណៈថ្មី នឹងសម្រួលដល់អ្នកដំណើរក្នុងការប្រើប្រាស់។ ជាក់ស្ដែង អាកាសយានដ្ឋានថៃ បានបំពាក់នូវម៉ាស៊ីន Check-in ចំនួន១៩៦ គ្រឿង និងម៉ាស៊ីនរៀបចំឥវ៉ាន់ចំនួន ៤២គ្រឿង ដែលអនុញ្ញាតឱ្យអ្នកដំណើរអាចប្រើដោយខ្លួនឯងបាន ក្នុងគោលបំណងកាត់បន្ថយចំនួនបុគ្គលិក ដើម្បីទប់ស្កាត់ហានិភ័យក្នុងការឆ្លងរាលដាល ។
លោកបន្តទៀតថា បុគ្គលិកអាកាសយានដ្ឋានទាំងអស់ក៏បានទទួលការចាក់វ៉ាក់សាំងដូសជំរុញផងដែរ ដើម្បីបង្កើនភាពស៊ាំប្រឆាំងនឹងមេរោគឆ្លង។ ទន្ទឹមនេះ ភ្នាក់ងារទាំងអស់ ដូចជាការិយាល័យ ដាក់ឱ្យនៅដាច់ដោយឡែកក្នុងអាកាសយានដ្ឋាន អន្តោប្រវេសន៍ និងគយ ក៏បានចូលរួមក្នុងហ្វឹកហាត់ ដើម្បីទប់ស្កាត់ប្រឆាំងនឹងមេរោគឆ្លង នៅប៉ុស្តិ៍ត្រួតពិនិត្យនីមួយៗផងដែរ។
អត្ថបទគួរអាន
ក្រៅពីជើងហោះហើរដឹកអ្នកដំណើរ ទិន្នន័យចរាចរណ៍ផ្លូវអាកាសបង្ហាញថា អាកាសយានដ្ឋានសុវណ្ណភូមិនឹងជួយសម្រួលដល់ជើងហោះហើរពាណិជ្ជកម្មប្រហែល ៤៤០ ជើងហោះហើរ ដែលមានជើងហោះហើរក្នុងស្រុកមាន ២៣០ជើង និងអន្តរជាតិ ១១០ជើង ព្រមទាំងជើងហោះហើរដឹកទំនិញ ១០០ជើង នៅក្នុងថ្ងៃដដែលនេះផងដែរ។
យ៉ាងណាមិញ គម្រោងបើកដំណើរការប្រទេសឡើងវិញនៅថ្ងៃទី ១ ខែវិច្ឆិកា ដោយគ្មានការធ្វើចត្តាឡីស័ក និងការរឹតបន្តឹងសម្រាប់ប្រទេស និងដែនដីចំនួន ៤៦ ជាលើកដំបូងរបស់ថៃ អាជ្ញាធរទេសចរណ៍ថៃរំពឹងថា នឹងទទួលបានភ្ញៀវទេសចរបរទេសប្រហែល ៣០ ម៉ឺននាក់ ដែលមកលេងទីក្រុងបាងកក ក្នុងរយៈពេល ២ ខែ បន្ទាប់ពីបើកដំណើរការប្រទេសឡើងវិញ៕
អត្ថបទ ស៊ើង និមល់
None
