![និយ័តករបរធនបាលកិច្ច ចុះអនុស្សរណៈនឹងសមាគមសហគ្រិនវ័យក្មេងកម្ពុជា ដើម្បីជំរុញការយល់ដឹងអំពីវិស័យបរធនបាលកិច្ច](https://cdn.cambonomist.com/media/images/1_Y5AxDzL.2e16d0ba.fill-960x540.jpg)
![និយ័តករបរធនបាលកិច្ច ចុះអនុស្សរណៈនឹងសមាគមសហគ្រិនវ័យក្មេងកម្ពុជា ដើម្បីជំរុញការយល់ដឹងអំពីវិស័យបរធនបាលកិច្ច](https://cdn.cambonomist.com/media/images/2_pKce03T.original.jpg)
ការចុះអនុស្សរណៈនៃការយោគយល់គ្នានេះ ត្រូវបានរៀបចំឡើងក្នុងគោលបំណង៖ (១) បញ្ជ្រាប និងលើកកម្ពស់ការយល់ដឹងអំពីវិស័យបរធនបាលកិច្ចដល់សមាជិករបស់ YEAC ដែលជាសមាគមសហគ្រិនវ័យក្មេង ឱ្យមានលទ្ធភាព សមស្របដើម្បីរៀបចំខ្លួនក្នុងការចូលរួមវិនិយោគក្នុងវិស័យបរធនបាលកិច្ចនៅប្រទេសកម្ពុជា ក៏ដូចជាការពង្រឹងការគ្រប់គ្រង ការរៀបចំ និងការធ្វើប្រតិបត្តិការបរធនបាលកិច្ច
(២) អភិវឌ្ឍន៍វិស័យបរធនបាលកិច្ចនៅប្រទេសកម្ពុជា តាមរយៈការលើកកម្ពស់ការយល់ដឹង ការត្រៀមខ្លួន និងការធ្វើប្រតិបត្តិការបរធនបាលកិច្ច ព្រមទាំងការលើកទឹកចិត្ត និងជំរុញ សហគ្រិនវ័យក្មេងនៅកម្ពុជាចូលរួមផ្សព្វផ្សាយអំពីវិស័យបរធនបាលកិច្ច ក៏ដូចជាចូលរួមវិនិយោគក្នុងវិស័យនេះផងដែរ
(៣) ពង្រឹង និងអភិវឌ្ឍសហគ្រិនវ័យក្មេងនៅកម្ពុជា តាមរយៈការជួយដល់សមាជិករបស់ខ្លួនឱ្យទទួលបានការយល់ដឹងបន្ថែមអំពីការអភិវឌ្ឍថ្មីៗនៃវិស័យហិរញ្ញវត្ថុ បង្កើននូវជម្រើសវិនិយោគតាមរយៈប្រភពនានា ពង្រឹងការគ្រប់គ្រង ការរៀបចំ និងការធ្វើប្រតិបត្តិការពាក់ព័ន្ធនឹងបរធនបាលកិច្ច ព្រមទាំងមានបំណងចូលរួមចំណែកជំរុញដល់ការអភិវឌ្ឍ សេដ្ឋកិច្ចជាតិ ដោយផ្អែកតាមប្រព័ន្ធទីផ្សារ។
ពិធីចុះអនុស្សរណៈនៃការយោគយល់គ្នានេះ មានការអញ្ជើញចូលរួមពីតំណាងនៃនិយ័តករក្រោមឱវាទនៃអាជ្ញាធរសេវាហិរញ្ញវត្ថុមិនមែនធនាគារ ថ្នាក់ដឹកនាំ និងមន្រ្តីជំនាញនៃ ន.ប.ធ. ប្រធាន/នាយកប្រតិបត្តិ ថ្នាក់ដឹកនាំ ក្រុមហ៊ុនដែលជាសមាជិក-សមាជិកាសមាគមសហគ្រិនវ័យក្មេង ក្រុមហ៊ុនបរធនបាល និងបុគ្គលផ្ដល់សេវាពាក់ព័ន្ធក្នុងវិស័យបរធនបាលកិច្ចផងដែរ។ កម្មវិធីត្រូវបានបញ្ចប់ទៅដោយភាពរលូន និងប្រកបដោយ ផ្លែផ្កា ក្រោមបរិយាកាសរីករាយ និងស្និទ្ធស្នាល៕
![និយ័តករបរធនបាលកិច្ច ចុះអនុស្សរណៈនឹងសមាគមសហគ្រិនវ័យក្មេងកម្ពុជា ដើម្បីជំរុញការយល់ដឹងអំពីវិស័យបរធនបាលកិច្ច](https://cdn.cambonomist.com/media/images/3_hIOyo4a.original.jpg)
![និយ័តករបរធនបាលកិច្ច ចុះអនុស្សរណៈនឹងសមាគមសហគ្រិនវ័យក្មេងកម្ពុជា ដើម្បីជំរុញការយល់ដឹងអំពីវិស័យបរធនបាលកិច្ច](https://cdn.cambonomist.com/media/images/4_XOUIXOu.original.jpg)
![និយ័តករបរធនបាលកិច្ច ចុះអនុស្សរណៈនឹងសមាគមសហគ្រិនវ័យក្មេងកម្ពុជា ដើម្បីជំរុញការយល់ដឹងអំពីវិស័យបរធនបាលកិច្ច](https://cdn.cambonomist.com/media/images/5_alpbLvf.original.jpg)